#أمواج_الحياة

جزء30

امواج حياة
مروة_خالد
الحلقة 30
دخلنا للكوزينة (هي كبيرة قاسمينها نص كوزينة ونص صال مونجي)لقيتهم كامل قاعدين ومنهم خاوتو كي شافهم قالي كيما وصيتك الخمار ديما فوق راسك نطقت يماه وينك هذا من قبيل نستناو فيك العشا برد قاتلها سلمى مراكيش تشوفي فيه داتلو عقلو مروة تاع على هاذ الكلمة كان راح يدخل فيها دخلة واعرة حكمتو صاي خالد نتا كنت تقولي احكمي لسانك اسع نتا لي لازم تحكم فمك اخطيك منها خليها تهدر ياك باطل خليها كي تعيا تسكت تخنزر فيها وقعد بقينا نتعشاو وهوما يحكيو غير انا ساكتة وسلمى غير تتخنزر خلصنا جيت نلم معاهم حلفالي زهيرة قاتلي راكي عروسة خلي انا وسلمى نلمو نطقت قاتلها منيش خدامة على العرايس كل واحد عندو ذراعو وراحت قتلها خلينلم معاك مفيها والو عييت فيها محبتش قاتلي اصلا لماعن نحطهم في لافيسال وصاي وليت طلعت للدار لقيتو يلبس وين رايح خالد_خارج هنا برك مع علي ونجي _اك معليش رحت توضيت صليت حكيت مع خالتي شوية و بقيت نتفرج ونخمم زعما لهدرة تاع قبيل كان يحكي على سلمى ؟بصح علاه كي سقسيتو بلعطني وقالي مشكل تاع عمتي اواه انا مكان مدخلني نربح راجلي وهوما ياكلو بعضاهم المهم خالد معاي مليح
لغدوة وقت لغدا لقيت خالد دخل وسمعتو يقولو هيا ادخلو حطيت خماري وخرجت نطل لقيت خوتي دخلو كي شفتهم طرت رحت نحضن فيهم ونسلم مامنتش قالي خالد هاني جبتلك خوتك بصح فهميني شكون زكرياء وشكون ابراهيم اني قريب هبلت معاهم نهدر مع هذا نقولو ابراهيم يقولي انا زكرياء نهدر مع لوخر يقولي انا ابراهيم نضت نضحك قتلو هذا ابراهيم وهذا زكرياء_كيفاش تفرقيهم بصح_ساهلة ابراهيم شوية ضعيف على زكرياء _والله ميبانو مهم كل ما ينوضو الصباح قوليلي ونفرقهم باللبسة بقيت معاهم مشبعتهمش خلاص توحشتهم وصل وقت لغدا تفكرت كي قالي ديما نهبطو لتحت بصح خوتي كيفاه محال يقبلو يهبطو يقعدو لتحت وزهيرة وسلمى تما رحت لخالد حكيتلو قالي ايه هذي محسبتلهاش حساب من بع قالي معليش ناكلو هنا وفي السهرة اهبطي اقعدي معاهم انا في قصدي المهم متبعدش على مّا وانا مش مشكل ناكل هنا ونهبط نقعد معاهم وانتي بقاي مع خوتك
فاتو ايام هدوء ماقبل العاصفة غير كي نهبط التحت العجوز وسلمى يهبلوني غير بنت السكارجي بنت السكارجي ومعجبهمش الحال على خوتي كي جاو يعيشو هنا دارو مادارو كيفاه يجيبهم هنا مالغري جامي شافوهم غير يسمعو بيهم برك ميهبطوش كامل لتحت حتى الخرجة يخرجو من الباب تاع برا وصلت المصيبة تاع سامى اتهمتهم بلي سرقولها الذهب تاعها وخالد طبعا مصدقهاش خاطر علبالو بيهم ميهبطوش وفقلها بلي خباتو وحصلت فيهم عطاها طريحة تاع الكلاب وبعتها لدارهم حتى راحت لعجوز جابتها
خالد علاقتو مع خوتي علاقة صداقة يعاملهم مليح بالبزااف يديهم ماعه للخدمة يخرجو معاها يديهم يدورو ويعسهم كي يخرجو متهلي فيهم بزاف ومام في قرايتهم حتى جا النهار لي دخلتهلم فيه لفكرة تاع يزورو بابا وبحكم انو بدلوه لولاية اخرى مرحناش خممت لقيت عندهم الحق هذا بابنا ورانا مقصرين في حقو بزاف حكاو لخالد في الاول محبش بصح مقالهمش قالهم نشوف نهار نكون فارغ شغل فيه ونديكم قتلو مام انا نروح _ايه نهار نهبل نديك _علااه يعني خالد_مروة محال نديك لهذيك البقعة مستحيل اقعدي هنا نهار يخرج باباك نجيبهولك _زعفت بصح مهدرتش جا نهار لي يديهم راحو صباح وانا درت الميناج درت الغدا وليت قلقت هبطت قعدت مع زهيرة نحكيو حتى لقيت خالد دخل قالها زهيرة روحي خيتي للبيت حتى يجو خاوتها قتلو علاه مدخلتهمش من الباب الثاني _هاراكي قافلتو من داخل وتقوليلي دخلهم منو _ايه صح قبيل قفلتو ونسيت محليتوش من داخل راحت هي وهوما دخلو بديت نسقسي فيهم عليه وكيفاه راه قالولي راه لباس خالد طلع وانا زعما طالعة وراه مع خوتي حت نلقا زكريا قالي دقيقة منزيدوهاش هنا ليوم مروة