#أمواج_الحياة

جزء20

امواج حياة
مروة_خالد
الحلقة 20
هزت عليا _وي مروة_رونق وينك_راني في الدار _اسمعي اني جاية ليك _ايه مرحبا
لبست وقلت لخوتي عندي بحث راح نخدمو مع رونق لقيتهم مام هوما رايحين يخدمو وصات عندها دخلتني سلمت على ماماها قعدت معانا شوي وراحت _هاه واشبيك تباني مكيش في حوالك _رونق لازمني نحكي معاك _حكيتلها كلش حسيتها مقلقة شافت فيا وقاتلي مروة معندكش حل وباين راه حاطك في راسو خيرلك اقبلي بيه_وشنووووو هاذا نتي رونق نتي لي كنتي تقوليلي اخطيك منو وشبيك تبدلتي _ماتبدلتش مروة بصح كاين حوايج عرفتهم ولقيت انو الحل تتزوجي بيه وزيد خاوتك صح راهم في عمر صعيب ولازملهم راجل يوقف معاهم مشي نتي نتي متقدريلهمش على الاقل راجل يوقف في ظهرك ويوقف معاهم باش ميضيعوش _وباش ميضيعوش خاوتي نخرب دار مرا مسكينة واش ذنبها كي راهي راقدة على وذنيها هكا وزيد علاه منديش واحد من جيلي حتى ندي خالد باش يوقف في ظهري _مروة لازمك تقبلي بخالد لسببين الاول انك تحبيه وراني عارفة هذا الشي ونتي استعرفتي والسبب الثاني... وسكتت واش هو السبب الثاني شافت معاي السبب الثاني انو.. دخلت مها بالقهوة يااخالتي علاه تعبتي روحك _واش من تعب مروة قهوة العضر نشربوها مع بعضنا بقيت نڨصر معاهم بصح لاحظت انو ام رونق تشوف معاي ومع بنتها وديرلها براسها تاع واش ورونق تقلها لالا دخلني شك من بعد استغفرت ام وبنتها واش دخلني فيهم انا شوية دخل باباها قالي اهلا بنتي جات سلمت عليه قالي واش حوالك ومنا من بعد قالي كاش متحتاج بنتي تجي عندي ياك ميخصك والو باباك علي هنا سلمت على راسو قتلو تعيش بقيتهم على خير وخرجت روحت للدار صليت العصر درت العشا وبقيت نقرا هاذ الايامات راني مفرطة في قرايتي بزااف جاو زكرياء وابراهيم لاحظتهم ولاو عيانين ليامات هاذو قتلهم نتوما علاه عليكم خدمة الشوانط هاذي ملقيتو ماديرو ياك راني نخدم وشهريتي مليحة ولا كاش ما خاصكم _مروة منبقاوش نعاودو في نفس الهدرة نورمالمو راكي نتي قاعدة وحنا نخدمو عليك _اييه اسيدي خلي كبرتو وليتو تعرفو الخدمة وكلشي ياه تعشينا غسلت الماعن سيقت الدار وليت نسيق في الليل الله غالب هذا هو الوقت الوحيد لي عندي صليت العشا وطحت رقدت