#أمواج_الحياة

جزء44

امواج حياة
مروة_خالد
الحلقة44
هذا النهار سبحان الله قلبي مقبوض من لي نضت الصباح وقلبي واجعني بقيت نستغفر وندعي في ربي يستر طبطب الباب لقيتو ابراهيم خويا سلمت عليه هيا ادخل _لالا جيت برك جايز للخدمة قلت نفوت نشوفك_ ونتوما الشونطي هذا ميخلاصش عليكم ولا ياك قتلكم كلش عليا اقراو برك _لا مروة ومنبقاوش نحكيو في نفس السوجي وزيد بدلنا الشونطي ولينا عند واحد اخر كي قالي هكا قلبي تحرك ديراكت قتلو لا ابراهيم لا متروحوش واش داكم انا قبلت غير كي عاد نعرفو مولا الشونطي اللول وجارنا بصح هذا لالا _مروة ياك رانا نخدمو واش دخلنا احنا في الراجل نعرفوه ولالا حكملي يدي حطلي فيها دراهم قتلو واش هاذو قالي هاذو ريحة خوك احكميهم _واش من ريحة ابراهيم احكم دراهمك وخويا منحتاجش ريحتو نحتاجو هو كامل _معليش تاع خوك باه تشري بيهم جبة وتنعتيها قدام خالد قلو عندي خاوتي يشرولي وناض يضحك قالي ايا درك نخليك راح الحال_وينو زكرياء علاه مطلعش معاك_ياودي زكرياء حقودي قالك غير دار خالد منحطش فيها رجلي _خسارة عليه_مديريش عليه مهم انا درك نخليك جا خارج عاود رجع حضني بالقوة وقالي اتهلاي في روحك مليح مروة(هاذ الكلمات كانو يبانولي عاديين بصح درك توحشتهم يتعاودولي بنفس النبرة ونفس الصوت) باسني على راسي وشبيك نتا ليوم كاش ماراك داير كارثة ياك غير اهدر برك نغطي عليك تبسم وهز راسو بلالا وراح قلبي مقبوض بصح مدرتش في بالي جا خالد تغدينا هو راح يتكسل وانا غسلت لماعن ورحت غفيت حتى نشوف في ابراهيم مقود زوج ولاد في يدو ويقلهم هيا نروحو نعتلكم جدة من بعد ماما شفتها تقولي امانتي اني جيت نديها ولازم نلقاها كيما خليتها نضت مخلوعة استغفرت ربي ونضت وليت نضت درت لحليب خالد جا شرب وراح شوية سمعت لعياط لتحت قلت سير لعجوز راهي تتقابد مع كااش واحد شوية نسمع في الباب البراني يطبطب بالقوة جريت حليت لقيتو زكرياء كي شفتو تخلعت من حالتو يديه بالدم تريكوه مطاشي بالدم جبدتو من ذراعو وقفلت الباب نضت نعيط قتلو وشبيك هكاااا معامن تقابدت شكون ضربك بقيت نقلب في وجهو ورقبتو ملقيتوش مجروح انطق وشبيك منين جا الدم هذا وديجا وينو ابراهيم قالي جملة عمري ننساها _ابراهيم مات_كيفاه مات هذا ابراهيم الصباح وهو هنا عندي وقالي رايح للخدمة معاك_ايه بصح ابراهيم طاح من الدالة لفوق ومات كي قالي هكا نضت نضحك قتلو زكرياء اللعب السامط مكان لاه _منيش نتمسخر مروة وطاح في الارض يبكي بديت نخلخل فيه ونعيط خوووك وينووو ابرااااهيم وينووو وين خليتو ياك وصيتكم ديما مع بعضاكم وينو درك وين خليتو ويايما الوجاعة لي حكمت في كرشي وصدري والدم لي طرطق تحتي يدي ترجف والدم تحتي سمعت خالد حل الباب يجري شاف مع زكرياء قالو ياك قتلك متخبرهاش درك رما المفاتح في الارض وجا حكمني قالي مروة بلعقل ارواحي جا يديني للبيت طحتلو تما عاد يقلي وشبيك زرقتي هكا نوضي هكا وطرطق الدم من خشمي وفمي وليت نطيش فيه طلعت امو تجري هي وعمتو زهيرة كامل وهو يخلخل فيا ويقولي وشبييييك زرقتي وانا مقدرتش نتنفس خنقني الدم وليت نديرلو بلي جاست باه يطلعلي راسي قاتلو امو الطفلة تخنقت من الدم هزلها راسها وزكرياء يعيط ويقولي مروة مشي نتي ثاني واحد بزاف علينا هزني خالد باش يديني للسبيطار ناضت امو تعيط استرلها رجليها الطفلة تنزف جابتلي خمار ودرا غطاتلي بيه رجليا وصلت للسبيطار مغاشية كي نضت حسيت كرشي مقطعة وجااعة تقتل جات الطبيبة قاتلي مدام متتحركيش راكي دايرة عملية كي قالتي هكا شفت مع كرشي قتلها ولادي لباس ياك قاتلي مدام ربي يعوضك ان شاء الله لولاد ضربتهملك لاطونسيون وقتلتهملك يايما ثلاثة فرد نهار ياربي علاه جهلت الطبيبة تحكم فيا وانا نعيط ربي لي خلقني ياربي ولادي وخويا ياربي علاااه تعذب فيا هكا ياربي راحت ماما وزاد راح خويا وراحو ولادي ياربي وعلااه جهلت جهلت تاع الصح عدت نهدر في هدرات بلا وعيي قلبت السبيطار حتى دارولي برا باش ركحت بقيت نبكي بالدموع قلبي فسخ من البكا خرجت من السبيطار ورا يومين ولي زادت كواتني خويا دفنوه وماشفتوش شعلت النار في قلبي ومحبتش تطفا توحشتو توحشتو ريحتو حنانتو لي تكفي الدنيا كامل مالغري زكريا صح حنبن بصح ابراهيم الدوبل كان هو سندي وهو حياتي راح صغير مشبعتوش حالتي تدمرت خلاص وصلت حتى للطبيبة النفسية حسبوني هبلت وليت ندور ونعيط ابراهيم وينك نهز نعيطلو ف التيليفون ونستناها يريبوندي المهم فترة الله لايشوف فيها واحد ومنحبش نتفكرها خالد كي سمع بلولاد ماتو دمر عينيه ديما حمر عمري شفت راجل يبكي كيما بكا خالد هذاك النهار يعدد عليهم كي الولية بصح ميقدملي ميهدر معايا حتى المواساة ميواسينيش وصل حتى يقولي ولادك نتي سبابهم نتي حبيتي تنتقمي مني هاكي انتقمتي ومشي غير انتقام راكي قتلتيني