#أمواج_الحياة

جزء26

امواج حياة
مروة_خالد
الحلقة 26
لبست لاغوب تاعي بعتهالي خالد وبقيت مع البنات بنات خوالي خالاتي يغنيو ويشطحو مدايرين اومبيونص هايلة وترنك ضهرت محرومة من لمة العايلة جاو صورو معايا مام خوتي صح ماش قابلين بصح موقفوش في طريقي حضنتهم ونبكي مفهمتش علاه راني نبكي ياك راح يعيشو معايا (بعد ما شاح فمي وفم خالد واحنا نقنعو فيهم بسيييف قبلو وزيد كي عرفو بلي داري وحدي ومام الخرجة يعني ميضطروش يهبطو لتحت )خلاص علاه راكم تبكيو ياك سمانة وتجو عندي وزيد هاراكم مع خالت هبلوها شوية حتى نولي ههههه سمعت لاصونات فشلت الخلع ركبتني بدا التزغريت يقوا جاو اهلو دخلو سلمو عليا هزيت عيني لقيتو واقف على الباب الله يبارك زينو يهبل مالغري عمرو في الربعينات يبان مولا ثلاثين كوستيم لكحل زاد فيه النص بقيت تايهة في تفاصيلو ضحكتو شعرو عينيه فمو كلشي فيه متقون سبحان الله لي خلقو كي شاف معاي حسيتو مام هو تفاجا فيا لزوج تفاجانا في بعضانا وكل واحد خرج للوخر بخرجة جديدة مكانش يتوقعها جا وقف قدامي همسلي هذا شهر وانا نتخيل فيك كيفاش راح تكوني ليوم بصح مخي موصلش لهاذ الدرجة من الاتقان تبسمت وهبطت راسي حتى لقيت نسا خوتو مدخلين بياس مونتي كبيرة متوقعتوش خلاص يديرها قالي مدرتلكش خطبة والعرس طول في الدار اعتبريها تعويض عطاتلي زهيرة خاتم فضة بالتخبية لبسلي الخاتم ولبستلو قصينا لابياس كلينا شربنا تصورنا شوية وخرجني قالو خالي تهلا فيها راهي امانة قتلو في قلبي نورمالمو هو لي يوصيكم عليا ماشي العكس قالو تهنا راهي في عينيا عاوني طلعت في الطوموبيل وطلع لحالة مقلبة بارود فيميجان زرنة الخيالة المهم عرس هبال شوية ديمارا وصلنا لدارهم مكانتش بعيدة بزاف شفتها الله يبارك قصر مصبوغة بيضة وبني تهبل هبط وجا عاوني هبطت لقيت امو قابلتنا بالتمر والحليب دخلنا للصالون واااااسع بحر مديكوري ديكور هايل دخلنا لقيتو معبي خالاتو عماتو بناتهم قعد معاي شوية شطحنا وقالي درك لازم نروح نتلاقاو من بعد ان شاء الله هو خرج يالطيف الامة كامل تقلبت لي كان يضحك حبس ولي كان يشكر رجع يوتوت عليا مفهمتش والو حتى لقيت يماها جات مع وحدة عينيها دم باينة تبكي شعرها طالع قاتلي العجوز متحسبيش روحك درتي حاجة كبيرة كي ديتي خالد اصلا جابك ولادة لهذه الدار هذا مكان متحلميش بزاف يابنت السكارجي _جات عمتو بيناتنا خافي ربي حبيبة واش راكي تهدري خافي ربي في بنت الناس واحشمي على روحك ماشي قدام الغاشي ونتي سلمى روحي لبيتك واقعدي قاتلها منروحش ومنقعدش ومنبردش حتى نخرج هاد السوسة ودارت عندي لوكان جيتي مقيمة روحك متديش راجل كبير عليك ومتزوج بصح منلومكش بنت ساكارجي يخرج منك كلش على هاد الكلمة معلباليش كيفاش هزيت الكف وحطيتلها جات بيناتنا عمتو قاتلي يابنتي العني الشيطان ودارت ليها ونتي امشي راكي فضحتينا بين لجناس روحي لبيتك والعجوزة طيحت روحها بالعياط كيفاه تضربيها وماحشمتيش وبني واش دخل لدارو جا خالد يجري وشبيكم هذا واش كاين مّا صوتك راه واصل لبرا _شوف السوسة لي جبتهالنا ضربت مرتك مسكينة هي في حالة وزادتلها ولا راهي معولة تخرجها من دارها بنهارها _بقاو الدموع يجريو خفت قلت درك يدور ليا يرخسني بصح كي قالها وهي واش جابها لعندها ياك وصيتها متخرجش من بيتها وزيد علاه مبعتيش ر**لدار ماليها مزالت برك ديرلي في المشاكل وتبع في جرتي في لحظة تركب ولا غير يعيط انا مفهمت والو رونق تشوف فيا وانا نشوف فيها ونبكي وخالد جهل وكي شافها واقفة عند الباب شيطان ركبو واش راكي ديري اهنا ليوم نحيك من الدنيا حكمها من شعرها واش داك ليها ياك قتلك مروة متوصليهاش بشعرة بسيف فكوها البنات وعمتو تحلف فيه العن الشيطان نسا في بعضاهم علاه مكبر الحكاية وهديك تندب مكفاش ضربتني وزيد نتا جاي تكمل عليا تخلطت تخليطة كحلة الطايح كثر من النايض لي يفرق ولي يسب ولي يضحك ولي يحكي عليا وجه النحس وفرقت الدار في اللخر غلبتو عمتو خرج وانا داتني للبيت بقيت نبكي ياربي علاه معنديش زهر علاه (هادي البداية راهي مجرد حلم قدام واش راح يجوز عليا ومكانش علبالي بلي هذا الزواج هو جهنم لي راح تحرقني )

لبنات هذا واش قدرت نكتب اسمحوولي تعرفو العيد واجوائو+نسحقكم كامل تتفاعلو وتعطوني ارائكم وتوقعاتكم يادرا واش هي جهنم لي راح تحرق مروة وواش راح يصرا معاها