#أمواج_الحياة

جزء8

امواج حياة
مروة_خالد
الحلقة8
ايييه كبرت وليت تخدم وتحوس على مصروفك ياهوتزيد تخدم في الشوانط_ايه وعلاه منخدمش في الشوانط مدامني راجل نخدم شونطي، ميكانيسيان لي نقاها نخدمها نطقت ماما _مروة خليهم ياك كيما قالك كبروا وعندهم حق يتعلمو يعتمدوا على رواحهم احسن _ايه انا مقلت والو خلي يجرب (وياريتني ماقبلتش وياريتني وقفت في وجهو هذا القرار ندمت عليه ومكانش علبالي بلي نبكي عليه الدم)
غسلت لماعن تاع العشا رحت ريفيزيت شوية غدوة ان شاء الله منقراش وتفاهمت مع رونق نروحو نشوفو الحانوت هذا ونبدا نخدم الصباح لبست روبة لونها فار خفيف وخيمار نفس لونها درت شوي غيسيل ڨلوس طبطب الباب حلت ماما سمعت صوت رونق خرجت عندها سامت عليها _ادخلي تفطري _لا تعيشي هيا ازربي البسي راني متحمسة نروح معاك اكثر منك _واقيل نخاف على بلاصتي منك _يضهرلي ههههههه_لبست الباسكات خرجت لقيت خوها لكبير يستنا فينا لحت عليه السلام وركبت من اللور شوية ووصلنا حدا بازار كبير انا قلت الحانوت في وسطو حتى صدمني خوها كي قالي هذا هو البازار تاع خالد _اووووو الله يبارك بازار كامل تاعو_ايه الله يبارك عايلتهم عندها الدراهم هبطنا وخوها معانا باش زعما يوصي صاحب باباه علينا قرصت رونق _اسمعي نتي صحاب باباك كامل اسمهم خالد _راكي تشوفي انا كي قالي لبارح لقيتلها خدمة عند خالد جاني نفس السؤال في راسي دخلنا هو فيه زوج طاجات التحت قش عرايس والفوق نص لبسة تاع ولاد ونسا ونص فراشات وصلنا حدا بير مكتوب فيه الادارة طبطب مكان والو سقسا لحانوت لي حداه قالو خالد مكانش؟؟ سمعتو قالو راه يدور على الخدامة تلقاه التحت ولينا هبطنا على الدروج انا وصلت الدرجة اللخرة سمعت خو رونق يقولو واش هذا راك هنا واحنا شقينالك لفوق سمعتو ضحك اووو ضحكة هادي سامعتها اير طلعت راسي ويايما....