#أمواج_الحياة

جزء41

امواج حياة
مروة_خالد
الحلقة41
لبست وخرجت مع خالتي بقينا نمشو وندورو على الحوانت تلهيت مع القش والحوايج نسيت روحي ودخلت في الجو رحنا لوحد الجاردة هكا فيها شوية العاب تاع الاولاد وكراسا يقعدو فيهم شرينا لاكريم وقعدنا على الكراسا بقيت نشوف مع الاولاد يلعبو منكذبش نفسيتي تبدلت وحسيت بلحمل هذا خير ليا صح كنت حابة نطلق من خالد بصح خلي نعطي فرصة لينا احسن نربيو ولادنا ونداويو جراح بعضانا بقيت نتفرج ونتبسم حتى نشوف في خالد مع سلمى قاعدين شوي بعيد علينا بصح يبانولي مليح هي تبكي وهو يسكت فيها ويمسحلها في الدموع انا ابليس ضربني مشي برك جن بقيت نشوف معاهم قاتلي خالتي وشبيك تايهة ومشوكية هكا _شوفي الخير لي راه قدامك خالتي _واش من خير بقات دور في وجها تحوس كي لقيتو حضنها مبقاتش فيها عيطتلو شفتو كي هز عليا وي مروة_خالد وين راك درك _علاه كاش مابيك كاش ما احتجتي _لا راني نسقسي عليك برك _وين راح نكون راني في الدار _في الدار مالا _مروة وشبيك كاش ما صرالك برا_رحت ليه وقفت فوق راسو كي شافني عقد حواجبو قالي مروة واش راكي ديري هنا _جيت للدار انا تاني _تنهد قالي اصبري نفهمك شفت معاها هي عينيها حومر دم وتشهق حرت زعما وش بيها هكا تبكي بصح ميهمش استنا نلتى بيه هو اسع قتلو مزلت برك تكذب مزلت برك متحشمش _حمر فيا عينيه وناض وقف مروة نقصي حسك الناس تشوف_ميهمنيش في الناس يتخذوا فهمني نتا واش راك دير معاها هنا وكي سقسيتك علاه كذبت (علبالي مرتو وحلالو وبلاك انا لي ديتو عليها بصح الله غالب غررررت محملتش) امروة اسكتي وخلينا نحكيو حتى نلقاها وقفت قاتلي انا واش ذنبي اه واش ناقصني حتى منجيبش لولاد علاه ربي حرمني من هاذ الاحساس علاه تحرمت من كلمة ماما نتي فاه خير مني ديتي راجلي وديتي الاولاد ودرك تديهم وحدك وانا نبقى وحدي ياك بصح والله متتهناي بيهم نعتلك كفاه تدي راجلي وتدي لولاد قالها سلمى سكتينا عطاها مفتاح الطوموبيل قالها روحي اركبي حتى نجي ودار ليا قتلو وشبيها علاه راهي تبكي هكا وواش راهي تهدر قالي مديريش عليها الله غالب من حرقة قلبها برك اليوم ديتها لطبيبة وكيف كيف قاتلها مراكيش بلحمل وصرالها كيما موالفة منين تروح لطبيبة وتقلها مراكيش اونسانت يصرالها هكا ونتي وشبيك كلبتي عليا ضربة مرة هكا ولا غرتي_ميروحش بالك لبعيد غير تقلقت كي كذبت عليا _وعلاه عيطتيلي من اصلو سكت قالي مروة عارفك تحبيني كيما نحبك مكان لاه تكابري خليني نجي نديك ونتفاهموا علاه راكي تعذبي فيا هكا ليه ليه جبدت روحي وقتلو لالا معندي منتفاهم معاك وروح شوف مرتك راهي في حالة متخليهاش زربت رجعت منين خالتي قالتلي وين كنتي يا المصيبة دورت ملقيتكش _كنت هنا برك عند خالد_ايه نتي اتمعشقي وانا اخلعيني عليك واش كنتي ديري عندو_والو حكينا شوية وجيت برك هذا مكان هيا هيا امشي نروحو بدا يطيح الليل
جبت شهرين بالتمام في دار خالتي خالد كل يومين عندي يحوس يرجعني وانا منحبش طفيت عليه التيليفون نهدر غير مع رونق لي دهرت كانت مع عايلتها في تونس، بالنسبة لقرايتي بلوكيت العام لانو كنت مقررة نرجعلها بعد الزواج بصح صراولي ظروف بزاف ومن بينهم لاطونسيون لي وليت كل يومين لازم يطلعوني للسبيطار باسكو تطلعلي بزاف
اليوم وانا قاعدة مع خالتي نديرو في الغداء طبطب الباب راحت خالتي تحل سمعت صوت خالد طليت لقيتو هو وامو خلعت هاذو واش جابهم درك دخلتهم خالتي للصالون شوية وجات عندي قاتلي روحي البسي واعدلي راجلك وعجوزتك هنا_ واش جابهم _كيفاه واش جابهم جاو يرجعوك سكت قاتلي مروة شوفي بنتي نتي عزيزة عليا وفي مقام بنتي ومنحبلك غير لخير الشي لي صرالك ميتحلش بالهروب لازم تقعدي نتي وياه احكيو وافهمو بعضاكم نتي تحبيه وهو كيف مالا متفسدوش على رواحكم عاودي اكسبي راجلك معليش غلط اسمحيلو يجي نهار وين نتي تغلطي وهي رايحة يعني الهربة عمرها لكانت حل للمشاكل بقيت نخمم صح كلامها صحيح خالد صح غلط بصح لازم نكون معاه ونحلو الغلطة هادي