#أمواج_الحياة

جزء25

امواج حياة
مروة_خالد
الحلقة25
شوية وجات مرت خالي قاتلي هيا باش يشوفوك شفت مع روحي في المراية تنفست وخرجت نرعش قلبي يضرب في الالف دخلت عندهم لحت السلام سلمت على يماه حسيتها تسلم من فوق القلب وزيد طالقة شنايفها تقول جايبينها بسيف وسلمت على هذوك النسا نطقت المرا هاديك قاتلي انا عمتو وهادي امو وهادي مرت خوه لكبير جمال وهادي مرت خوه لي تحتو مصطفى(زهيرة دهرت مرت خوه) شفت معاها لقيتها تضحك قاتلي نطقت امو قاتلي ياك علبالك بلي ديتيه على مرتو شفت معاها لقيت ديجا عمتو تتخنزر فيها دورت ليا قاتلي بنتي ياك علبالك بلي متزوج _قتلها ايه جا خالي قالي روحي للبيت باش يشوفك نضت رحت للبيت دخل وقفل الباب قعد مقابلني قالي واش راكي _حمد لله ونتا_كي شفتك ريحت سبحان ربي لي صورك هز يدو طلعلي راسي من لحيتي خدودي راح يتطرطقوا من السخانة كي شافني ناض يضحك وشبيك حمرتي هكا هذا غير كلمة دارتلك هكا _خالد صاي تعيش _ههههههه اك معليش هيا قوليلي كاش ماعندك شروط _ايه قرايتي مدابيا منحبسهاش _شوفي قرايتك عندك حق منيش راح نوقف في وجهك بصح خدمة مكانش تسالي عندي قرايتك اقراي بصح خدمة لا مكانش _ايه معليش _زيدي كاش ماعندك_ مرتك_وشبيها _راح تسكني معاها _شوفي احنا دارنا ثلاث طيجان الطاج اللول تاع مّا والثاني تاعي والثالث مصطفى وسلمى من بكري تسكن مع مّا الطاج تاعي نحطك فيه نتي تساعدك ؟-وخوتي -وشبيهم -سكتت معرفتش نهدر قالي متخميش خوتك يحكمو شمبرة من الطاج ياك نورمال -ايه بصح المشكل ماشي هنا المشكل انهم محبوش يجو قالولي نبقاو هنا محال نجو معاك لدار النسيب _مروة والله خوتك صغار بصح تخمامهم تاع رجال معليش واش عليه انا نحكي معاهم ماخمي خوتك من اليوم مسؤوليتهم اطلقيها عليا _ان شاء الله _ايا حبي درك نخليك نروح عندهم باش نفتح على عمري _ايه روح خرجت وهو ورايا قاتل خالتي واش قتلها قابلة زادت سقساتو قالها قابل ناضو يزغرتو قراو الفاتحة وتفاهمو على العرس بعد شهر صح المدة ضيقة بصح انا وخالد هكا متفاهمين وزيد قالي جيبي غير قشك لي تلبسي وكي تجي انا ندبر راسي
فات الشهر غير توجاد حتى خدمتي مزدتش رحت ليها شغلي كامل غير قراية وتوجاد.وصل نهار العقود نضت لبست وعدلت روحي رحت مع خالي تلاقيتو كان فرحان باين على وجهو وحطة تاعو داتلي عقلي عقدنا خرجنا برا همسلي يومين وتكوني عندي احبي -خالد احشم درك يسمعنا خالي_واش من خالك والله الراجل مراهو لاتي بينا خلاص _ايه بصح عيب
اليوم عرسي نضت الصباح بكري رحت مع خالتي ومرت خالي ورونق للحمام طيبوني بصح خرجوني بلارة نلمع لميع فتت للحفافة طلعتلي شعري 3d وماكياتلي تحفتني كي شفت روحي بهتت قاتلي رونق غير عسي روحك لاتوخذك العين رجعت للدار ناضت الزغاريت (اهل ماما جاو بصح اهل بابا محبوش)