#أمواج_الحياة

جزء32

امواج حياة
مروة_خالد
32
نسمع في صوت حاجة تصوني شغل اباراي تاع القلب وصوت عباد يهدرو بالفرونسي واحد يقولو قلبها ضعيف ولوخر يقلو لاطونسيون محبتش تهبط راهي في الدونجي نحس في راسي ثقيييل وجسمي كامل يوخز فيا ومنيش قادرة نحركو حليت عينيا بالشوية نشوف في ربع رجال لابسين لاتوني تاع الطبة كي شافوني حليت عينيا قالي واحد مدام حمد لله على سلامتك متخميش كنتي غيبوبة عندك يومين وراكي في الكومة درك متتخلعيش برك لاطونسيون تاعك طالعة هذا مكان _حبيت نهدر معاه مقدرتش لساني ثقيل فهمني قالي مدام متعبيش روحك علبالي مراكيش قادرة تهدري ولا تتحركي بصح متفورصيش روحك قلبك راه عيان بزاف درك تبقاي هنا كي تتريقلك لاطونسيون ان شاء الله نخرجوك لشمبرة عادية تبسم معاي وراحو خرجو بقيت نشوف عينيا مزال مضببين وتقلقت كي مقدرتش نتحرك خفت نكون تشليت نشوف غير في ليزاباراي يصونيو صرعوني ولخيوط راكبين فيا من كل جيهة بقيت غير نشوف مع السقف بديت نتفكر انا واش جابني هنا واش وصلني للغيبوبة بديت نتفكر ونتفكر حسيت روحي غير نوم برك كي تفكرت الحكاية حسيت موس دخل في قلبي يعني مرانيش نحلم خالد صح خدعني وكذب عليا والمصيبة الكبيرة الدار هو لي كان سبة وخرجنا منها بديت نبكي حابة غير نتحرك نوض وزيد خاوتي وينهم حتى كي صرات لحكاية مشفتهمش في الدار واقيل خرجو كي طلعت عندو بقيت هكاك غير راقدة ونبكي بقيت مدة هكاك معلباليش شحال حتى دخلت طبيبة ومعاها وحدة بلاك فرملية حمدتلي السلامة وبقات تتفرج في لاباراي هاديك وتمركي من بعد دارت لييا قاتلي مدام شوفي درك كيما نقلك ديري اك حركتلها راسي برك قاتلي حركي يدك عادي كيما موالفة جيت نحركها مقدرتش اصلا منحس بوالو بقيت نحاول مقدرتش وليت نبكي حسبت روحي تشليت قاتلي مدام متبكيش ومتخافيش هادي غير من الغيبوبة لي كنتي فيها جسمك مزال مستوعبش بلي فطنتي برك درك مدة وتقدري تحركي روحك والحمد لله لاطونسيون مقاستلك والو ودرك كي تتريقلك ويرجع قلبك يخبط طبيعي نخرجوك من هنا وراحت خرجت، جبت نهار كامل في الكوما والطبة رايحين جايين يضربولي في البيكورات وبسيف قدرت نحرك روحي اول حاجة درتها هزيت يدي حطيتها على قلبي نحس فيه يوجع ويخبط بالبزاف جات نفس الطبيبة قدرت نهدر معاها بصح كل حرف وحدو نحس روحي خرجت معاه سقسيتها على خوتي قاتلي الدنيا برا راهي مقلبة عليك كامل يسقسو عليك وحابين يشوفوك قتلها خوتي برك قاتلي التوام؟؟؟قتلها ايه قاتلي هوما وراجلك قطعو رواحهم عليك راهم برا محبوش يروحو قالو حتى نشوفوها كملت قلبتني من بعد قاتلي درك تقدري تخرجي لشمبرة عادية خرجتني شوية ودخلو كامل خوتي وخالتي وهو كي شفتو تركبت الله غالب مقدرتش نوض برك صينو اليوم نقتلو جاو كامل عندي خوتي يحضنو ويسلمو خالتي تحضن تبسمت معاهم برك منقدرش نهدر بزاف الطبة وصاوني وزيد صح كي نهدر نحس روحي ندير في مجهود قاتلي خالتي خلعتينا عليك علبالك واش راكي تحسي درك هزيتلها راسي برك قاتلي متقدريش تهدري ؟درتلها يدي على قلبي فهمتني قاتلي مالا متعييش روحك هوما يهدرو معاي وانا عيني غير عليه بقا متكي على الحيط ويشوف ليا مهدر مقال والو قعدو شوية وراحو بقا غير هو قالي مروة