#أمواج_الحياة

جزء38

امواج حياة
مروة_خالد
الحلقة 38
كي لقيتو ناوي يمدك صح هددتو بالدار وقتلو تسلك ديونك ولا تزوجلي مروة والسماح بياتنا هو هنا لعبتلو على الوتر الحساس قالي نخمم ونشوف من بعد دار عليا وجا قالي حبست الخدمة ورمالي الورق تاع الدار وراح من تما مزدتش شفتو ومزدتش شفتك هبلت عييت نحوس عليك وخفت يمدك ولا يزوجك (وصح مرة بابا جا قالي خطبك واحد مني واش رايك وانا مقبلتش قتلو نكمل قرايتي وساهل ومضغطش عليا استغربت لانو بابا متسلط ولازم كلمتو تمشي قلت بلاك حن فيا بصح هيهات )
من هذاك النهار مزدتش شفتك يامروة حتى نهار لي ضربتي هذاك الطفل وشفتك مامنتش عقلي وقلت ربي خرجك قدامي وكي دخل باباك للحبس تفتحت الطريق قدامي ونهار جيتي تخدمي سقسيتك على كلشي خاص بيك مالغري علبالي بكلش ولعبتها تصدمت باش متشكيش حبيت نبداو حياة جديدة حتى اذا خرج باباك من الحبس راح يلقانا متزوجين وميقدرش يبعدنا وحتى سلمى متزوجتهاش عن حب ولا حتى عن قبول هي كانت تخدم عندي في البازار وكانت تتقرب مني انا كنت نحن عليها خاطر يتيمة متربية عند عمها وهي فهمتها حكاية اخرى حتى وحد النهار لقيتها هربت لعندي جيت نرجع مقبلتش مّا كي سمعت بلي اهلها يحلفو فيها كون ترجع يقتلوها قاتلي ترجعها نغضب عليك وزواجي بيها كان واجب برك حتى عمري عرفت كلمة حب حتى نهار شفتك نتي حسيت روحي تما وين زدت كامل لاموني وقالولي راك كبير كاش ما بقالك حب وصح عندهم الحق بصح مام انا عندي الحق نحب ونتزوج ونعيش هاني_هاذ الهدرة كاااامل راك غالط فيها صح نستعرف بلي حبيتني بصح متنكرش عذبتني وكلش نقدر نغفل عليه الا القمار تقمر خالد؟تقمر علاه واش خاصك الله يبارك الدار وساكن في خيار الديار الخدمة والناس لي يخدمو عندك ماش حتى نتا علاه تقمر واش خذاك واش صابك_مروة الحكاية قديمة والله تبت صاي من نهار حكمت البازار بطلت حتى اني حبيت نجبد باباك من تما وجبتو يخدم غير باش نسيه بقيت تايهة كل مة تزيد تتعقد الحالة درك كنت مققرة نطلق بصح غير سمعتو واش حكا كون نطلقو نكون نكارة خير هو صح غلط بصح غلطتو بنية طيبة وزيد كي نطلق هاذ الزوج وين نروح بيهم وانا اكثر وحدة نعرف قيمة الاب لوكان نبعدهم على باباهم راح ندي ذنوبهم وذنوبو هو سيرتو كي شفت حرقتو على الاولاد _مروة اسمحيلي واعطيني فرصة نصحح غلطتي ونعوضك على كلشي نتي وخوتك وزيد اليوم فرحتنا كبيرة خلي نردوها زوج نبداو حياتنا فرحانين ونعتبروها بداية جديدة بقيت نخمم خفت اذا رجعت معاه نندم ونظلم روحي واذا مرجعتش نظلمو