#أمواج_الحياة

جزء28

امواج حياة
مروة_خالد
الحلقة28
جات عمتو وزهيرة قعدوا معاي سقساوني على ليلتي قتلهم الحمد لله درت لزهيرة ونتي قداه وانا خدامة معاك منطقتيش وقلتيلي مرت خوه_ناضت تضحك قاتلي والله مصطفى موصيني منقول لحتى واحد في الخدمة ومكانش اصلا مناسبة باش نقلك وزيد هاراكي عرفتي وحدك شوية وجاو زوج خالاتي ومرت خالي ورونق وامها استقبلوهم قعدو معاي شوية جتى نضرب عيني للباب نلقا في سلمى واقفة اوووو هادي مشي لبارح قالها كي نجي منلقاكش واش راهي دير هنا بصح ليوم عكس لبارح راهي عادلة ولابسة ومحمرة تقول هي لعروسة والضحكة للوذن كي شفتها معجبنيش الحال صح انا لي دحلت عليها ضرة بصح الله غالب مام انا عندي قلب ونفسية ونغير جات رونق قعدت حدايا اسمعي نتب مشي قلتيلي خالد يحب مرتو وهي دارت على جالو الموحال هاو لبارح قريب قتلها _والله مام انا حرا فيه بصح سير كي شافها دارت مشكل هذا مكان خالد نعرفو حقاني ومع الحق وبالنسبة اذا يحبها ولا لا مرانيش عايشة معاهم في دار وحدة ان سمعت هي واش دارت علاجالو واي واحد مرا دير علاجالو هكاك يعشق فيها_واش دارت ؟؟؟_هربت من دارهم وجات عندو _كيفاااه هربت عندو_ايه هربت عندو_وهو كيفاه حكمها بصح_يابنتي عايلتها حلفو فيها كون ترجع يقتلوها وهو خاف عليها عقد عليها ومن هذاك الوقت الناس كامل يهدرو عليهم بلي يحبو بعضاهم وبلي كرت خالد مداريلها في الدنيا دنيتين _بقيت نشوف معاها مضنيتش يخرج منها هذا الشي فجاة تفكرت كي قالتلي البارح بنت الساكارجي هي وين تعرف بابا وكيفاه تعرفني توسوست وبديت نربط في الاحداث ببعضها كي تلاقيت بخالد وسقساني على بابا وجهو كيفاش تقلب وتقلقوالغلطة لي قالي لازمني نصححها اواه انا لازمني نبقى نحوس حتى نفهم راحو اهلي روحو خاوتي شفتهم غير من الباب سلمت عليهم وراحو جات عمتو قاتلي هيا نطلعك لدارك نطقت سلمى قاتلها عمتي ونتي واش راح يطلعك في الدروج خلي انا نديها قاتلها لالا خالد موصيني _خالد موصيك علاه هذا خايف ناكلها متخميش مناكلش لعباد ودارت ليا هيا انا هنا تقلبو حوالي ديجا من قبل نشوف فيها 16وزادت درك حاب تطلعني هي لداري نحات لمفتاح لعمتي و طلعت قاتلي هيا لقيت باب تاع لحديد حلتو وزادت تاع الحطب قدمت ليا قاتلي اصبري عليا يامات برك ونوريلك هادي تاع تدي راجلي مني يماه وخالاتو يحوسوا يقنعوني بلي جابك على جال لولاد بصح ميفوتوهاش عليا والله كون نعرف نفضح كلش وخلي نطلقو في زوج مهم متديهش نتي سمعت صوتو سللللمى دورنا في زوج لقيناها طلع وسمعها واش كانت تهدر عطاها كف وجها دار وجا راح يكمل عليها طلعت امو تجري جبدتو عليها واش كاين علاه راك تضرب فيها _ياك قتلكم البارح نجي منلقاهاش_ياراجل وشبيك علاه راك تزعط في الطفلة من دارها حرام عليك واش دارت_ونستناها حتى دير_امشي امشي ادخل لدارك واخطي الطفلة خليها في دارها معندها باه وصلتك هبطتها العجوز وهي تعيط وتندب تحوس تخربولي داري حسبي الله ونعم الوكيل فيكم وظلمتوني جا ليا قالي كاش ما دارتلك قتلو لا والو قالي واش كانت تقلك وهي واش جابها هنا حكيتلو كلش بدا يسب فيها وكان راجع ليها جبدتو ارواح هنا وين زايد رايح ادخل هنا وخليك منها _ايه ارواحي شوفي دارك مع دخلت من الباب وااااو مشاء الله تهبل تهبل جاية واسعة ومخدومة كلش فيها يهبل فتت للصالون فيه فوتيات كوحل والطابلة في وسطهم والزربية لونها ابيض واسود زدت فتت للكوزينة ديكورها حمر وكلش فيها معدول قالي وشمبرة تاع خوتي وشمبرة تاع القعاد والشومبرة تاعي الحق تهبل تهبل ديكورها هبال قالي هاه عجبتك _ايه تهبل _ايا مليح مام نتي تهبلي شفت دورت شفت معاه جابعالي على غفلة ناض يضحك