#أمواج_الحياة

جزء14

امواج حياة
مروة_خالد
الحلقة14
جريت لبستلها حجابها قالي زكرياء وين مديتها _للسبيطار وين _وكيفاه راح ندوها سكت عليه خلي يجي خالد ونحطو تحت الامر الواقع كون نقولو عيطتلو علبالي تتخلط عليا مع لبستلها جبدتني من يدي _انعم ماما وشبيك همستلي مروة بنتي راني راح نموت كي قاتلي هكا تخطفت حسيت الدم جمد فيا ماما واش راكي تهدري _مروة خوتك امانة عندك علبالي بلي تقدريلهم وردي بالك التوام ميتفرقوش ردي بالك تفرقيهم مروة وحطيهم في عينيك راهم امانة عندك تهلاي في الامانة ياك بنتي _هي تهدر وانا الدمعة تجري لحت عبايتي سمعت تيليفوني رحت لقيت خالد بعتلي ميساج راني التحت مروة قلت لابراهيم هيا تجي معاي ندوها سندناها علينا وهبطنا قالي ابراهيم مروة كيفاه راح ندوها _خالد راه التحت تخنزر فيا متقوليايش عيطتيلو _ايه وكيفاه نخليها تموت تخنزر فيا بصح مهدرش وصلناها دخلنا للسبيطار هزوها ديراكت الكبة واحنا بقينا نستناو فيها برا انا قعدت على الكرسي وخالد وابراهيم واقفين عند راسي انا غير نبكي تفكرت هدرتها وليت ندعي ياربي متفجعنيش فيها ياربي حتى ماقلت حياتي تسقمت وتعدلت ياربي اشفيها وخالد يقولي مروة ماخميش شوية سخانة برك وتهبط بقينا شي ربع ساعة وخرجت الطبيبة قاتلنا نتوما واش تكونو للمريضة قتلها احنا ولادها قوليلي كيفاش راهي قالتلي ختي عظم الله اجركم وربي يصبركم غير قاتلي هكا جهلت بالعياط نبكي هبال ونعيط وينك ياميمتي وينك ياماما وين خليتينا كنتي لامتنا كنتي نتي بابانا ويمانا سما لمن خليتينا للذيابة ياكلونا ياماما نوضي متخلينيش راني نخاف وحدي جا ابراهيم حضني ويبكي هو يبكي وانا نبكي عيينا نسكتو بكيت حتى عييت وخالد راح يهدر مع الطبيب قالي مروة درك لازم تروحو للدار _وماما كيفاش نروح ونخلي ماما منروحش _يامروة لازم درك تروحي للدار وماماك لازم يكملولها الاجراءات ويشوفو اسع سبب الموت ومن بعد _قالي ابراهيم عندو حق مروة لازم نروحو وزيد وجدي دار درك يجو ناس نضت قالي خالد متعرفيش نومرو تاع كاش واحد من خوالك قتلو معنديش عندي نومرو تاع خالتي برك بصح شحال مهدرتش معاها معلباليش اسكو مزال قالي عيطيلها وشوفي عيطتلها مزية لقيتو نفسو هزت عليا قاتلي كي قلت الو باش عرفتني قاتلي مروة بنتي هذا نتي غير لخير قتلها خالتي ماما ماتت عيطت عيطة وحدة قاتلي كيفاااااه قتلها ايه خالتي ماتت درك عيطي لخوالي قوليلهم باش يجو يتولاوها بقات تبكي مفهمتش عليها اصلا واش راهي تقول ومرانيش قادرة اصلا كوبيت ومشيت مسندة على ابراهيم قالنا خالد نوصلكم ونرجع _اسمحلي خالد تعبتك معاي _امشي امشي مش وقتها لهدرة هادي