#أمواج_الحياة

جزء34

امواج حياة
مروة_خالد
الحلقة34
بقينا نقصروا خالد غير يشوف معاي بصح يبان عياااان (درك عندنا ربع شهر زواج انا محكيتش كلش بالتفصيل خاطر الاحداث المهم هي لي صرات وراح تصرا صينو علاقتي بخالد كانت هايلة وحياتي مفيهاش مشاكل بخلاف سلمى والعجوز وهدرت على الموضوع باختصار جيست باش تفهمو)بقا يلوح في الهدرة يحوس نهدر معاه كي لقاني مسمطتو هز روحو وخرج لحقتو عمتو ولا كلاني قلبي نضت وراهم لقيتهم في الكوزينة بقيت واقفة نسمع فيهم لحقت عليه قالها عمتي عييت والله مرتحت كي خبيت عليها مرتحت كي سمعت_واش راح دير اصبر عليها شوية الطفلة قاسات بزاف بسبة الدار هادي ياك قلت شحال وهوما برا وزيد عرفت بلي نتا لي ديتها متلومهاش اصبر عليها_علبالك في السبيطار طلبتلي الطلاق منيتها انا هديت الدنيا باش جبتها وهي تقولي طلقني مصدقت زدت شفتها وتلاقيت بيها _معليش اصبر عليها ونتا تاني غلطت كي خبيت عليها بصح متزيدش تكمل في الغلطة خبرها بكلش فرد مرة باش تتوجع على مرة تزعف ايامات وتبرد الضربة ويبرا الجرح متبقاش هكا تهدرلها بالكلمة الكفلة صحتها مكان مكان وليت دخلت عليهم درت روحي جيت نشرب قاتلي عمتو علاه مقلتيليش جبتلك _معليش عمتي اني حابة نتحرك شوية قاتلي لعشية ان شاء الله تجي سمرة مرت عمو وبناتها يوصلولك ويحمدولك السلامةشفت مع خالد وجهو تقلب شاف معاها دارتلو جاست تاع اسكت قتلها مرحبا بيهم وخرجت قعدت شوية مع زهيرة كي قرب العصر نضت طالعة لداري جيت فايتة للدروج نشوف في سلمى مع خالد واقفين حاطة يدها على صدرو وتقولو غدوة اديني لطبيبة نجوز بلاك هاذ المرة فيها_قالها مفيهاش من قبل فيها درك ونحالها يديها وليت طلعت خلي يتخذو طلعت بقيت ندورفي الدار ملقيت مندير تخنقت بقيت نخمم مع روحي زعما صح ظلمت خالد؟ زعما قسيت عليه بلا مانفهم ؟بصح الله غالب خارج سيطرتي كي سمعت بالحكاية جن ركبني اصلا كنت نكره بابا غير لهذا السبب كنت نشوفو مجرم وشيطاان كي نتفكر واش قاسينا برا قلبي يتغم لدرجة هاد الحكاية دفنتها ودفنت جزء مني معاها خليت الجرح بدمو غير باش ننسا ومنزيدش نتفكر بصح الجرح زاد تفتح وعلى يد شكون على يد الانسان لي حبيتو وعطيتلو قلبي بلي فيه غفلت على كلام الناس لي يقول داتو على مرتو ولي يقول دات شايب مهمنيش تجاوزت كلش وانا نخمم فجاة حسيت بقلبي دار رحت للدوش بقيت نرجع مفهمتش وشبيا