#أمواج_الحياة

جزء35

امواج حياة
مروة_خالد
الحلقة35
لقيتو دخل قالي وشبيك كاش ما بيك_مابيا والو _المهم اذا راكي قادرة اهبطي لتحت مرتي عمي جات بصح اسمعي ولدها منسحقكش دوري منين هو راهو برا بصح اونكا يدخل للدار تنوضي متقعديش معاه فرد بلاصة مدرتش عليه رحت هبطت استناي نجي نهبطك_علاه تهبطني مشلولة ياك راني نمشي_ استغفر وسكت وصلت للصالون لقيتها هي وبناتها منعرفهمش ومام هي منعرفهاش مشفتهاش في العرس سلمت عليها تبان ناس ملاح بقات تسقسي فيا على صحتي ولات عرفتني ببناتها قاتلي هذي نصيرة لكبيرة متزوجة_الله يبارك_ وهاذي رنيم بنتي الصغيرة وعندي هشام هو الكبير قتلها متشرفين بقيت نحكي معاها هي وبناتها ونقصروا شوية وهزت تيليفون عيطت لبنها باش يجي يديها ناضت سلمت عليا خرجنا زعما باش نوصلوها للباب احنا وقفنا عند الباب ونلقا خالد مع خوتو في الكولوار واقفين مع واحد مزية كنت دايرة الخيمار سمعتها قاتلو هشام مالا هذا هو ولدها هزيت راسي لقيتو يشوف معاي وحاكم النظرة تبسم معاي وقالي حمد لله على سلامتك يخاااه في وسط سلافي هزيتلو راسي برك حتى نلقا يدي تجبدت شفت لقيتو خالد دارلي براسو اطلعي بصح وجهو ميبشرش بلخير بقيتهم على خير وطلعت نجري تقول ماني مريضة دخلت للدار لقيت لحق ورايا دورني من يدي قالي انا واش هدرتلك على ولدها ماشي قتلك مدوريش منين هو ولا مقلتش_بلعقل عليا وشبيك وزبد انا وين علبالي بلي ولدها واقف تما _وكي شفتي ****علاه مطلعتيش علاه بقيتي واقفة ولا توريلو في زينك _وشبيك تكبر فيها هكا ياك مشفتنيش قاعدة معاه السيد حمدلي السلامة وصاي (كنت نهدر ببرود وثقة بصح قلبي راح يحبس )_يارب وهذا واش هبلني كيفاه يهدر معاك وقدامي ونتي واقفة وتوريلو في روحك ياك _ايا احترم روحك واش لي نوريلو في روحي وزيد كون جيت عيني نوريلو بكري مشي كي ديتك هنا هز الكف وحطلي بيه قالي تعرفيه ياك علبالي تعرفيه شفتيه حكمني وبقا يخلخل فيا منين تعرفي هدرتي معاه قولي _اطلقني وين نعرفو انا _هاكي قلتيلي كون عينك توريلو وريتيلو بكري يعني تعرفيه _منعرفوش والله منعرفو _حكمني بالكفوف يضرب طحت في الارض طاح معاي بالكوتبيات يضرب بالغل ويقولي والله نقتلك ونكمل عليه بقيت نعيط والباب مقفول سمعت امو وعمتو يطبطبو ويعيطو مقدروش يدخلو كي شاف الدم تحتي حبس وبقا يشوف مشوكي وانا نحس في كرشي تتقطع موجعني والو قد كرشي ...