#أمواج_الحياة

جزء37

امواج حياة
مروة_خالد
الحلقة37
مروة علاه عليك هكا جيتك فرحان ديريلي هكا علبالك شحال وانا نستنا في الاولاد 10سنين مروة 10سنين وانا محروق عليهم نشوف صحابي مع ولادهم نغير_خالد انا وياك مراحش نرتاحو حتى تحكيلي كلشي بررلي اسيدي بلاك راني غالطة في حقك بلاك راني ظالماتك متخلينيش هكا انا راني نحوس على سبب باش نروح منكذبش عليك وحكاية الطلاق اذا معطيتنيش سبب مقنع لواش درت نبقا شادة في رايي_علواه نحكيلك _على كلش نتا من نهار عرفتك وانت مشبعني الغاز كلمة زوج تطلقلي بومبة وتخليني نحاجي ونفك وحدي مالا ارواح هنا ساميني واحكيلي كلش ومتقوليش مكاين والو راني علبالي بلي كاينة حاجة_ بقا يشوف معاي مدة من بعد تنهد قالي اك بصح قبل اسع توعديني بلي واش راح تسمعي تبقاي معاي حقك تزعفي بصح ازعفي هنا على عيني وقدامي واعطيني فرصة نداوي الجراح لي درتها _هاداك الشي شغلي انا نقرر نقعد ولا نروح مهم احكيلي كلشي درك ومتخبي عليا والو نسمعها منك ونزعف عليك خير ما نسمعها من غيرك ونحقد عليك_مروة متندمينيش لي قررت نحكيلك_ هيا برك خالد _اك شوفي انا من قبل من قبل ما نجيبو يخدم معاي كيما قتلك جات فترة من ورا مابدا يخدم معاي شفتك نتي مرة مع رونق عجبتيني وحبيت نخطبك_تخطبني؟كيفاه هذا تخطبني واصلا عمري كان 19سنة وكنت هذاك وين طلعت للجامعة _مروة خليني نكملك _اوكي روح نشوف _تبعتك مرة باش نشوف وين تسكني ونعرف اهلك شفتك دخلتي لداركم وتما عرفت بلي نتي بنت احمد رجعت للخدمة حبيت نطلبك منو حكيت معاه وهو تقلب ناض يعيط ويقولي بنتي صغيرة منغبنهاش معاك نتا وراك متزوج وزيد..وسكت _واش كمل علاه سكت _مروة انا كنت نقمر مع باباك بكري بصح مشي درك والله العظيم بكري درك صاي_خالد واش راك تهدر واش من قمار _مروة والله العظيم بكري اصلا انا خرجت من الميليو هذاك وحاولت نجبد باباك منو دبرتلو خدمة عندي باش نبعدو عليه وصح جاب فترة يخدم معاي ولا لباس بيه قررت نخطبك منو وكيما قتلك دارلي حالة وقالي بنتي منمدهاش لقمار انا قلت عندو الحق يعني مهما كان يبقى اب ويخاف على بنتو حبيت نبقى وراه نقنع فيه بالملاحةحتى يقنع بصح نهار سمعت بلي خطبك هشام ولد عمي وهو قبل جهلت رحت ليه تقابدت معاه تزايدنا في الهدرة قالي بنتي ميديها غير هشام واليوم نحكي معاها عليه انا هنا ملفيت حتى حل باباك كانو عندو ديون معاي قررت نهددو قتلو اذا مديتهالو نشكي بيك على الديون بصح هو زاد سنطح وقالي الحبس ولا نمدلك بنتي