#أمواج_الحياة

جزء17

امواج حياة
مروة_خالد
الحلقة17
ارونق واش راكي تحكي خالد كيفاش متزوج ويخطب فيا بلاك راكي مخلطة ولا اصلا شكون قالك بلي متزوج_مروة خالد راه خو بابا مشي برك صاحبو ديما معاه ونعرف عليه حوايج متعرفيهمش خالد مرتو يحبها يموت عليها _بقيت غير نشوف مصدومة والحاجة لي مقدرتش نفهمها خالد كي متزوج ويحب مرتو علاه خطبني؟؟؟ بلاك يحبني؟ ولا شفقان عليا برك وغضتو بقيت نخمم حتى لقيتها حطت يدها على كتفي مروة خالد انسايه وتاخذي رايي متقبليش سير راه شفقان برك عليك وحتى واذا قلنا يحبك مرتو راح تشربك لمرار مزلتي متعرفيهاش واش دارت علاجالو وهيا نوضي نروحو اصلا مراكيش مليحة نوضتني معاها طريق كامل وانا نخمم مخي تحرق ولي زاد دخلني في حيط الميساج لي بعتهولي خالد "مروة خمي مليح في اللي قلتهولك وخمي بعقلك اعطي فرصة لروحك وفرصة ليا" طفيت التيليفون وقعدت نتقلب في بلاصتي حتى رقدت
عندي سمانة مرحتش للخدمة عندي قراية او بالاحرى دايرة السبة بالقراية باش منتلاقاش خالد مرانيش حابة نشوفو مفهمتش علاه بصح فكرة انو متزوج ويحب مرتو كانت كفيلة انها تخليني نجبد روحي عليه منكذبش ونقول ارتحت بالعكس توحشتو بزاف مقدرت نواجهو ونرتاح مقدرت نجبد روحي ونرتاح هاد الفكرتين في زوج يدمروني اذا واش قالت رونق خرج صحيح يعني صح طلبو ليا من باب الشفقة برك واذا جبدت روحي راح نتوحشو ونعذب روحي اه ياربي كون معاي... اليوم وانا خارجة مع رونق من الجامعة لمحتو مڨاري بعيد قلت لرونق شوفي هذاك ماشي خالد _والله غير هو كان متكي على الطوموبيل ويخرب في التيليفون قلتلها هيا امشي ومدوريش وراك_علاه بصح_رونق درك مش وقت هدرة هيا _مع مشينا زوج خطوات هز راسو وشافنا زربت في المشية لقيت التيليفونيصوني جبدتو لقيتو هو كي درت دارلي بيدو استناي ياربي زهري المعوج تيليفوني سمانة وهو طافي ليوم ضهرت نشعلو قاتلي رونق حصلنا وربي كبير تبهديلة