#أمواج_الحياة

جزء33

امواج حياة
مروة_خالد
الحلقة33
درتلو بيدي اسكت قالي معليش علبالي بيك مريضة درك مراحش نتعبك بصح غير تريحي نحكيو في كلش كان خارج نطقت قتلو طلقني دار ليا ضحك وقالي احلمي حبي احلمي ياك الحلمة باطل وراح خرج جبت يومين في السبيطار باش قدرت نخرج بصح خرجت مريضة بلاطونسيون نمشي بالدوا واش غاضتني روحي صغيرة بصغري لي قدي راهم يقراو ويخرجو ويزهاو ويعيشو حياتهم وانا هزيت الهم على بكري بعد توصيات الطبة تاع ماتتقلقيش ومتعبيش روحك قدرت نخرج كنت حابة نروح عند خالتي بصح مخلانيش واصلا منيش في قدرة باش ناقشوا ولا نحكي معاه خلين نبرا ومن بعد نخرج فيه كلش وصلنا للدار لقينا عمتو امو وسلمى وزهيرة ومرت خوه جمال اسمها فايزة سلمو عليا حمدولي السلامة قاتلي امو ارواحي للصالون اقعدي شوية نشوفوك قالها خالد مّا الطفلة مراهيش قادرة نطلعها تريح_وعلاه وشبيها هاهي لباس وجات تمشي_مّااااا يرحم باباك سكتينا خليني في حالي نطقت عمتو قاتلو ياوليدي والطفلة واش راح يطلعها في الدروج هادو كامل حطها في الشمبرة تاع خوك حتى تريح شاف معاي قالي مروة تقعدي هنا ولا تطلعي لدارك خير _طلعني لداري منقعدش هنا قاتلي عمتو يابنتي اقعدي هنا خير على عينينا وعلى عينين راجلك قالي مروة راكي متقدريش للجهد تاع الدروج _قتلك طلعني لداري وهيا راني منيش قادرة نوقف _سندني عليه وطلعني هادوك الدروج مجيت نطلعهم روحي خرجت عييت وليت نفشل ليه ليه وصلت لقيتها تقريبا فارغة الصالون فارغ فيه غير الطابلة الكوزينة بقاو فيها غير ليزيليمو وصلني للشمبرة حتى هي مفيها والو غير السرير والخزانة تاع القش والطابوري تاع الكوافاز تكيت على السرير قالي مروة كون قعدتي التحت خير على عينينا محبيتش نهدر معاه تكيت وحطيت يدي على عينيا كي لقاني مسمطتو قالي نروح نشريلك الدواء ونجي راح خرج وليت ساعفت روحي نضت بسيف دوشت نحيت ريحة السبيطار شيحت شعري عاودتو بليسور درت مكياج خفافي وقعدت والله منغبن روحي في جرتهم عيطت لخالتي سقسيتها على خوتي قاتلي راهم معاي متخميش حكيت معاها شوية وكوبيت عدلت روحي مفقتش كيفاه رقدت معلباليش شحال فات وقت نضت لقيت شكارة دواء فوق السرير مالا روح خالد طليت في الدار ملقيتوش وليت حطيت خمار وهبطت التحت نسمع في صوت حكايات من الصالون دخلت لقيتهم كامل مجمعين نسا خوتو خوتو هو امو عمتو وسلمى (عمتو راجلها متوفي وولدها يخدم في العسكر كي يجي تروح لدارها وكي يروح يخدم تجي هنا باش متبقاش وحدها) كي دخلت كامل دورو يشوفو فيا مخلوعين بلاك حسبوني نهبطلهم بشعري طالع وحاكمة في قلبي اسع خلعتهم جا خالد قالي علاه هبطتي واش وصاتك الطبيبة قاتلو امو بوووه هادي شكلها كانت تحوس في الخارج مشي في الكومة مطايشة لي مشافهاش هذاك النهار بالدمومات في خشمها ومغاشية يكذب نطق جمال قالها مّا خفي على بنت الناس وزيد هذا مرض سمطتها وقعدت حدا زهيرة بقاو يحكيو لاحظت بلي سلمى عينها متهزهاش فيا كي سقسيت زهبرة قاتلي الطفلة زرقتيها راسها جاب يومين وهو طايب متقدرش تمشطوا