#أمواج_الحياة

جزء42

امواج حياة
مروة_خالد
الحلقة42
رحت لبست جبة باهية طلقت شعري درت شوي مكياج فحفحت روحي بالريحة ورحت ديتلهم القهوة لقيتو هو ويماه سلمت عليهم قعدت معاهم انا وخالتي شوية قاتلي امو غير لخير ابنتي لبارح سمعنا بيك رحتي للسبيطار في الليل غير لخير_كي لعادة لاطونسيون برك طلعتلي وكي عدت بالحمل نخاف علبيها رحت للسبيطار باش يهبطوهالي _ايه واش راكي مع الحمل _الحمد لله لباس قاتلي يابنتي ماشي كون ترجعي لدارك خير على عينين راجلك بعيد الشر تصرا بيك حاجة يكون قدامك ومعاك (ياحسراااه كامل كنا نخمموا هكا ضهرت العكس وضربتي على يد خالد ) شافت معاها خالتي ودارتلها براسها راحو خرجو بقيت انا وياه وحدنا قالي اقفلي الباب وارواحي قفلتها رحت عندو قعدني على رجلو قالي هاه احكي وشبيك_واش نحكي مابيا والو_وعلاه مقلتيليش لبارح جيت ديتك للسبيطار حتى يعيطلي خوك_سكت قالي علاه محبيتيش ترجعي عندي ولا مزلتي زعفانة_شوية _وعلاه زعفانة بصح مفهمتش ياك الحكاية وحكيتهالك كامل كيما صرات واستعرفتلك بكلش وقتلك الله غالب غلطة وصرات ومتزيدش تتعاود ان شاء الله بقيت ساكتة قالي بصح والله الحمل خرج عليك نتي وولادك تتنعمو وانا مجرجريني وراكم_حسدت ولادك_لا والله والو مهم ايا حبيبي روحي لمي حوايجك وهيا معايا والله توحشتك منين تجي دالتك نطلع لدارك ونرقد_وعلاه ياك مكانش واش تطلع دير _تبانلك برك مهم ريحتك تماك هيا باسني من خدي قالي هيا روحي وزيد ولد خالتك راني سمعت بلي قريب يجي من الخدمة ومش راح نخليك تبقاي هنا هيا رحت لميت حوايجي سلمت على خالتي قاتلي والله درتي زينة العقل مادوملك غير دارك بصح اي حاجة خالتك هنا ياك _ان شاء الله خالتي سلمت عليها وخرجنا وصلني للدار كي دخلت كامل جاو يسلمو عليا حتى من سلمى بصح كي سلمت عليا همستلي قاتلي جيتي برجليك متلومينيش تخنزرت فيها وفتت عادي مدرتش عليها وعلى هدرتها قعدت معاهم تغدينا وطلعت لداري لفوق لقيتها نظيفة والمابل كامل جابو جديد ولات هايلة قالي عجبتك قتلو ايه هايلة قالي وخفي يدك على التكسار شوي تخنزرت فيه ناض يضحك قالي نتمسخر نتي كسري وخالد يشري مش مشكل دخلت بدلت ورحت للشومبرة لقيتو متكسل قالي ارواحي ارواحي راني متوحشك...
سلمى تعاملها معاي كيما بكري متوصلنيش بصح نحسها ساكتة وتحفر من تحت لتحت،ليوم دالتها جا خالد سهر معاي شوية وجا وقت باش يهبط قالي مروة اني هابط لتحت كاش ما بيك عيطيلي اك قتلو ايه قالي درك ساعة ساعة نجي نطل عليك في الليل وراح هبط في الليل وانا راقدة حسيت بواحد يدور في الشمبرة في اللول حسبتو خالد باسكو قالي ساعة ساعة نطل عليك في الليل بصح كي قدم باسني ريحتو خاطي ريحة خالد نضت نشوف ونلقا هشام عند وجهي جيت نعيط قفلي فمي بيد وحكملي يديا بيد قالي حلفت نديك ومديتكش بلحلال نفريها بلحرام قلبي طاح بين رجليا بقيت نتخبط ونفارع عضيتو من يدو غير نحاها زهقت رعدت الدنيا قالي اقفلي فمك فضحتينا بقا يحوس يقفلي فمي وانا نبعد عيطت على خالد بطول صوتي سمعت صوت المفتاح في الباب تاع الحديد عرفتو خالد بصح لقاها مغلوقة من داخل بقا يعيط يقولي افتحي وهذاك غير سمعو رما المفتاح فوق السرير مفهمتش منين جابو وخرج من الباب الثاني تاع برا وخالد غير يطبطب ويعيط مروة افتحي وشبيك علاه غالقة الباب من داخل مجيت نستوعب ونوض ليه بسيف رجليا محملونيش نضت بسيف حليتلو الباب وطحت قعدت حداه طبس عندي قالي مروة وشبيك خلعتيني عليك لقيتو يلهج حتى انا العيطة لي عيطتها العسكر يجي بقيت نبكي ونترعد خاااايفة دورت لقيتهم كامل طلعو ويسقسوا داني للبيت تولهت للمفتاح لي جابو الكلب هاذاك زربت حطيتو في الخزانة قاتلو عمتو وشبيها واش صرالها قالها معلباليش راني كيفي كيفك بقاو معاي عياو يهدروني بقيت غير لاصقة فيه ونبكي وخالد مفهم والو شوية وخرجوا بقا غير هو معاي واشبيك حنونتي واش صرالك علاه كنتي تعيطي _خممت نحكيلو ولا لالا كون نحكيلو علبالي طيح الروح والنهاية باينة واحد يموت وواحد يباصي _قولي وشبيك_والو_كيفاه والو عيطتي هكاك برك_لالا منام برك _منام تعيطي هكاك مروة اهدري وشبيك _خالد قتلك والو صاي نمت منام مشي مليح برك خليني نرقد كي كنت متكية عليه نسمع في قلبو راح يخرج قتلو وشبيه قلبك يخبط هكا _تتمسخري بيا كنت برا خرجت نتكيف مع دخلت نسمع فيك تعيطي طلعت نجري الدروج كليتهم وزيد لقيتك قافلة الباب توسوست _وعلاه تتوسوس_معلباليش مروة هيا ارقدي درك راني معاك تكيت على ذراعو بقا يلعب بشعري حتى غفيت الصباح نضت لقيتو مكانش غسلت وعدلت لفراش لقيتو دخل صباح الخير_صباح النور _واش راحو مناماتك _ايه هههه_هيا نهبطو نفطرو معاهم هبطت لقيت لعجوز وعمتو وسلمى صبحت عليهم وقعدت قاتلو سلمى لبارح غفلتني وطلعت ياك خزر فيها قالها نتي كون تخلى الدنيا متجيبيش خبر