မောင် ပိုင်ဆိုင်မှု [ COMPLETE ]

၂၆ (Unicode)

"နှင်းလေးရေ သား ရေခဲမုန့်ဝယ်လာတယ် "

ရေခဲမုန့်ဘူးကို ပိုက်ကာ နှင်းလေးရှိတဲ့အခန်းထဲကို ပြေးဝင်သွားတဲ့ တည်စက်သာကို မိုးစက်လှမ်းအော်လိုက်ရသေးသည်။

"အများကြီးမစားနဲ့နော် ထမင်းစားရတော့မှာ "

" ဟုတ်ကဲ့ပါ ဦးဦးဖေဖေ "

မိုးစက်လဲ မီးဖိုချောင်ထဲဝင်ပြီး တစ်ခုခုချက်ရန်ပြင်လိုက်သည်။ သူဝတ်နေကျ အေပရွန်ကိုရှာမတွေ့ပေ။

" ဒါရှာနေတာလား "

Moon လက်ထဲက အေပရွန်တစ်ခု ဒါပေမယ့် သူဝတ်နေကျတော့ အေပရွန်တော့ မဟုတ်ဘူး။

" ဒါ ကျုပ်အသစ်ဝယ်လာတာ ခင်ဗျားသုံးနေကျဟာက ပြဲသွားလို့ "

Moon က ပြောရင်းရှေ့တိုးလာသည်။ ပြီးတော့ မျက်နှာချင်းဆိုင်ဖြစ်နေတဲ့ မိုးစက်ရှေ့ ရပ်လိုက်သည်။ မိုးစက်က မပုဘူးဆိုပေမယ့် အသက် ၂၀ အရွယ် Moon လောက်တော့ မထွားပေ။

ကြောင်တောင်တောင်ဖြစ်နေတဲ့ မိုးစက်ကို အသစ်ဝယ်လာတဲ့ အေပရွန်ကို ဝတ်ပေးလိုက်သည်။

"ရတယ် ...ကိုယ့်ဘာသာ ဝတ်လ်ို့ရတယ် "

" ငြိမ်ငြိမ်နေ ပြီးတော့မယ် "

Moon သူ့လက်တံရှည်ကြီးတွေနဲ့ မိုးစက်ရဲ့ခါးလေးကို ဖြတ်ပြီး ကြိုးချည်ပေးလိုက်သည်။

"ခင်ဗျားနဲ့ လိုက်သားပဲ "

Hello Kitty အရုပ်လေးနဲ့ ပန်းရောင်အေပရွန်ကြီးလေ သူလိုကျားကျားယားယား ယောက်ျားသားတစ်ယောက်နဲ့ ဘယ်လို လိုက်ဖက်မှာလဲ

မောင်ကို ပန်းရောင်ခေါင်းစည်းကြိုးတွေနဲ့ စည်းပေးနေလို့ သူဝဋ်လည်တာလား

" ခင်ဗျားနဲ့ စောနက ကောင်က ချစ်သူတွေလား "

သူ့ကိုယ်ရေးကိုယ်တာ မေးခွန်းမို့ မိုးစက်မဖြေချင်ပေမယ့် Moon နဲ့သူက အမြဲတွေ့နေရမှာ ။ဟိုနေ့ညကတည်းက Moon ရိပ်မိနေပြီးသားဖြစ်မှာမို့ မိုးစက်လဲ မငြင်းချင်တော့။

"ဟုတ်တယ် "

"ခင်ဗျားနဲ့ သူကမလိုက်ဖက်ဘူး "

Moon သတိမထားမိဘဲ ပြောမိသွားတာကို သတိဝင်သွားချိန် သူ့ရှေ့က မိုးစက်ရဲ့မျက်နှာမှာ အလိုမကျခြင်းတွေနဲ့ ပြည့်နေပြီ