ပြတင်းပေါက်အပြင်က နေလုံးကြီးက တောက်ပစွာ လင်းထိန်းနေခဲ့ပေမယ့် မိုးစက်အခန်းထဲမှာတော့ အမှောင်ချလို့ထားသည်။ အခန်းထဲကနေ ခြေတစ်လှမ်းတောင် လှမ်းလို့မရခဲ့တာ ဘယ်နှစ်ရက်ရှိနေပြီလဲ သူမမှတ်မိတော့ဘူး။
မှောင်နေတာပဲ ကောင်းပါတယ်
စောင်ကို ခေါင်းထိခြုံထားလိုက်ပြီး အေးစိမ့်နေတဲ့အခန်းတွင်း အအေးချိန်ကြောင့် မိုးစက် အိပ်ပျော်သွားတော့သည်။
အအိပ်စက်တဲ့လူတစ်ယောက်မို့ သူ့ပါးကိုတစ်ယောက်ယောက်ထိနေတဲ့ အထိအတွေ့ကြောင့် မိုးစက်နိုးလာခဲ့သည်။ သူ့ပါးကို နူးညံစွာလာထိတဲ့ လက်ချောင်းတွေရဲ့ပိုင်ရှင်က မောင် ဖြစ်နေတယ်။
" မထိနဲ့ "
မိုးစက် ကြမ်းတမ်းစွာနဲ့ လက်ချောင်းတွေကို သူ့အနားက ဖယ်ရှားလိုက်တော့ မောင်က သဘောကျစွာ ရယ်ပြီး ပြောလာသည်။
" ဒီလောက်လေးထိတာ မခံနိုင်ရင် "
မင်းဒဿမောင် မက်မွန်သီးလေးရဲ့ နားအနားကပ်လိုက်ပြီး
" မင်္ဂလာဦးညကျရင် ဘယ်လိုလုပ်မလဲ "
မိုးစက် မျက်နှာရဲသွားသည်။ ရှက်လို့တော့မဟုတ်ပေမယ့် ဒေါသထွက်လာတာကြောင့်။ အရင်ကသာ မောင် သူ့ကိုဒီတိုင်းစရင် သူရှက်လွန်းလွန်း ထွက်ပြေးချင်မယ်ဆိုပေမယ့် အခုတော့ သူ့ကိုစော်ကားနေသလိုပဲ။
" မင်းလို လူတိုင်းနဲ့အိပ်နိုင်တဲ့ကောင်အတွက် ယောက်ျားမရှားဘူး အဲယောက်ျားထဲမှာတော့ ငါဘယ်တော့မှ ထပ်ပါမှာမဟုတ်ဘူး မင်းဒဿမောင် "
" ကျစ် "
မင်းဒဿမောင်ရဲ့ ဒီည Wedding အတွက် စိတ်လှုပ်ရှားနေတဲ့ ခံစားချက်လေးက လွင့်ပယ်လို့သွားသည်။
" စကားတစ်ခွန်းပြောတိုင်း အရင်က ကိစ္စတွေ ထည့် ထည့်မပြောလို့မရဘူးလား ဟမ် မိုးစက်သာ ကျုပ် အခုကစပြီး ခင်ဗျားတစ်ယောက်တည်းနဲ့ပဲ အိပ်မှာမလို့ ကျုပ်ကို ယုံကြည်လိုက်စမ်းပါ "
" ဟက် နောက်ဆုံးတော့လဲ မင်းစရိုက်အမှန်ပေါ်လာတာပဲ "
" မဟုတ်ဘူး မောင်အဲလိုသဘောပြောတာမဟုတ်ဘူး မိုး "
YOU ARE READING
မောင် ပိုင်ဆိုင်မှု [ COMPLETE ]
Science FictionCrd_Cover_from_Pinterest မင်းလက်ခံသည်ဖြစ်စေ လက်မခံသည်ဖြစ်စေ မင်းကမောင်ရဲ့ ပိုင်ဆိုင်မှုဖြစ်လာမှာပဲ မင်းဒဿမောင် လောကကြီးကိုတောင် ပြောင်းပြန်လှန်နိုင်တဲ့မင်းကို ငါက လွန်ဆန်နိုင်မှာတဲ့လား ...
![မောင် ပိုင်ဆိုင်မှု [ COMPLETE ]](https://img.wattpad.com/cover/354520306-64-k71453.jpg)