" သားသား ထတော့ "
မိုးစက် မှောက်ယက်ကလေး အိပ်ပျော်နေတဲ့ သားဖြစ်သူကို ပါးလေးပုတ်ကာနိုးလိုက်၏။
" အင်းးးးးး "
ညီးသံကြီးဆွဲကာ တည်စက်သာလေးမှာ တစ်ဖက်သို့ ပြန်လှည့်အိပ်သွားသည်။
" သားသား ကျောင်းသွားရအုံး ထတော့ မနက်ဖြန်ကျောင်းပိတ်မှ အကြာကြီး အိပ် ထတော့ "
" ကျောင်းသွားချင်ဝူး "
" ကျောင်းမသွားလို့မရဘူးလေ ကျောင်းမှာ သူငယ်ချင်းတွေက ဆော့ဖို့စောင့်နေတာကို "
ထိုသို့ပြောလိုက်တော့ တည်စက်သာလေးမှာ ရုတ်တရက် ကောက်ကာငင်ကာ ထကာ
" ဟုသားပဲ ဒီနေ့သူသူနဲ့ ကစားဖို့ရှိတာပဲ "
လို့ပြောပြီး ရေချိုးခန်းထဲ ပြေးဝင်သွားတော့သည်။ ဒီကလေးလေးက စာသာစိတ်မဝင်စားတာ ဆော့ကစားဖို့ဆို အမြဲတမ်းအသင့်ရှိပြီး တက်ကြွတဲ့ကလေးလေးပင်။
" မြန်မြန်လုပ်နော် ဖေဖေမနက်စာပြင်ပြီး ပြန်လာခဲ့မယ် "
" ဟုတ်ကဲ့ ဖေဖေ "
မိုးစက်သာ ပြုံးလိုက်ပြီး အခန်းထဲမှ ထွက်လာ ကာ မနေ့က ထမင်းကြမ်းများကို တစ်ဝက်ကျော်ရန်ပြင်လိုက်သည်။ ထမင်းတွေအများကြီးကျန်နေတာမို့ မနေ့က အိမ်က ကလေးနှစ်ယောက်လုံးက ထမင်းစားချိန်ပါမေ့ပြီး ဆော့ကစားနေမယ်ဆို မိုးစက်တစ်ယောက် သေချာပေါက်သိနေသည်။
ထမင်းကြော်ပြီးသည့်အခါ အခန်းထဲမှ သားသားကို ကျောင်းသွားရန်ပြင်ဆင်ပေးလိုက်ပြီး မနက်စာအတူစားကြ၏။
" နှင်းလေးက မထသေး ဘူးလား ဦးဦးဖေဖေ "
" နှင်းလေးက ဘယ်တုန်းက ဒီချိန်ထလို့လဲ သားသားရဲ့ "
"ဟူး...."
တည်စက်သာမှာ သက်ပြင်းရှည်ကြီးချလိုက်၏။ မနေ့ကပဲ တူတူကစားရင်း သူကိုကျောင်းလိုက်ပို့ပေးမယ်ဆိုပြီး အခုထိမထသေးဘူး
"သား သွားနိုးလိုက်ရမလား "
" တည်စက်သာ မဆိုးနဲ့ စားတော့ ကျောင်းသွားရတော့မယ် "
ESTÁS LEYENDO
မောင် ပိုင်ဆိုင်မှု [ COMPLETE ]
Ciencia FicciónCrd_Cover_from_Pinterest မင်းလက်ခံသည်ဖြစ်စေ လက်မခံသည်ဖြစ်စေ မင်းကမောင်ရဲ့ ပိုင်ဆိုင်မှုဖြစ်လာမှာပဲ မင်းဒဿမောင် လောကကြီးကိုတောင် ပြောင်းပြန်လှန်နိုင်တဲ့မင်းကို ငါက လွန်ဆန်နိုင်မှာတဲ့လား ...
![မောင် ပိုင်ဆိုင်မှု [ COMPLETE ]](https://img.wattpad.com/cover/354520306-64-k71453.jpg)