Ups! Gambar ini tidak mengikuti Pedoman Konten kami. Untuk melanjutkan publikasi, hapuslah gambar ini atau unggah gambar lain.
အပျော်စီးဇိမ်ခံသင်္ဘောမှာ ကျယ်ဝန်းတဲ့ သီးသန့်အခန်းတွေရှိပြီး သင်္ဘောဟာ ကြာပန်းအုပ်တွေကြား ဖြတ်သန်းလို့ နိုင်းမြစ်တလျှောက် ဖြည်းဖြည်းချင်း ရွှက်လွင့်နေတယ်။
နောက်ခံစကားပြောပေးနေသူဟာ ရှေးဟောင်းသုတေသန ကျောင်းသူတယောက်ဖြစ်ပြီး သူမပြောနေတဲ့ ဇာတ်လမ်းက နည်းနည်းပျင်းဖို့ကောင်းတယ်။ ဒီအတိုင်း သိထားရုံလောက် ပုံစံမျိုးပဲ။
"မင်္ဂလာပါ ခရီးသွားပြည်သူများရှင့် ကျမတို့ဟာ အခုဆိုရင် ဘုရင်များရဲ့ တောင်ကြားလမ်းကို ဖြတ်သန်းနေတာဖြစ်ပါတယ်။ သင်္ဘောပေါ်ကနေဆိုရင်တော့ ဘုရင်များရဲ့ တောင်ကြားဟာ ဒီအတိုင်း သဲပုံချည်းပါပဲ။ သင်္ဘောပေါ်ကဆင်းပြီး လည်ပတ်မယ်ဆိုရင်တော့ ဖာရိုးဘုရင်တွေ၊ ဘုရင့်သားတွေရဲ့ ၇၀ ကျော်တဲ့ ဂူသင်္ချိုင်းတွေကို ဘုရင်များရဲ့ တောင်ကြားထဲမှာ တွေ့ရမှာဖြစ်ပါတယ်"
ရှောင်းကျန့် ပြတင်းပေါက်ဘောင်ကို မှီထားတယ်။ ဒီရောက်ကာမှ နိုင်းမြစ်ဟာ ထင်သလောက် တည်ငြိမ်နေတာမဟုတ်မှန်းကို မြင်ရတယ်။ မြစ်ရေတွေဟာ သင်္ဘောဦးရဲ့ ထိုးခွဲမှုအောက် တဝုန်းဝုန်း ရိုက်ခတ်နေတယ်။
ဇိမ်ခံအပျော်စီးသင်္ဘောရဲ့ အသံလုံစနစ်က အရမ်းကောင်းတာမို့ ပြတင်းပေါက် ပိတ်လိုက်တဲ့အခါ အင်ဂျင်သံကို မကြားရသလို ခုတ်မောင်းမှုကလည်း လျင်မြန်တယ်။ ရှောင်းကျန့် နောက်ကို ကြည့်လိုက်တဲ့အခါ ရွှေရောင်သင်္ဘောဆေး သုတ်ထားတဲ့ သစ်သားဘောင်တန်း သင်္ဘောဟာ တကယ်ကို အနက်ရောင်မီးခိုးငွေ့တွေ တလူလူ ထွက်နေပြီး သူတို့နဲ့အဝေးကြီး ဟိုးအနောက်မှာ ကျန်ခဲ့တယ်။
KAMU SEDANG MEMBACA
For Emma ||Completed||
Fiksi Penggemar"I just want you to remember." Authorized Myanmar Translation. Unicode only.
