Ops! Esta imagem não segue nossas diretrizes de conteúdo. Para continuar a publicação, tente removê-la ou carregar outra.
ကိုင်ရိုရောက်တဲ့ ပထမဆုံးနေ့မှာ ဂိုက်က ရှောင်းကျန့်နဲ့ သူ့အဖွဲ့ကို စားဖို့သောက်ဖို့အတွက် ရိုဟာရီရီဈေးနားကို ခေါ်သွားတယ်။ ရိုဟာရီရီဈေးဟာ ကိုင်ရိုရဲ့ အစုံဆုံးနဲ့ အကြီးဆုံးဈေးဖြစ်ပြီး မနက်စာအတွက် အရှေ့အလယ်ပိုင်းစားသောက်ဆိုင်တခုကို ရွေးလိုက်ကြတယ်။
စားနေစဉ်အတွင်းမှာ လက်ထောက်က ရှောင်းကျန့်ကို ပြောတယ်။ သူမ ပြတိုက်ကို ဆက်သွယ်တဲ့အခါ အရုပ်စာတွေကို နားလည်တတ်ကျွမ်းတဲ့သူက လောလောဆယ်မရှိတာမို့ ၃-၄ ရက်လောက် စောင့်ပေးပါလို့ ပြောလာတယ်တဲ့။
ရှောင်းကျန့် သူမကို လောဖို့ကြံတဲ့အချိန်မှာပဲ စားသောက်ဆိုင်ရဲ့ထောင့်တနေရာကနေ ငြင်းခုန်သံတွေ ထွက်လာခဲ့တယ်။
အသံက သိပ်မကျယ်ဘူး။ နဂါးတွေနဲ့ မြွေတွေ ရောနှောနေတဲ့ (လူကောင်းလူဆိုးရောနှောနေတဲ့) ရိုဟာရီရီဈေးနားမှာဆိုတော့ လူတွေအများကြီး ရှိနေတယ်။
အရှေ့အလယ်ပိုင်း အစားအသောက်တွေအကြောင်း ဂိုက်က ရှင်းပြပေးတယ်။ ဟင်းပွဲတခုချင်းစီတိုင်းမှာ ဟင်းခတ်အမွှေးအကြိုင်တွေနဲ့ ဟင်းအနှစ်တွေ အများကြီး ထည့်ထားတယ်။ စားသောက်ဆိုင်က မူလလက်ရာမြောက်လွန်းတာမို့ ပြည်တွင်းစားသုံးသူ အရမ်းများတယ်။
ရှောင်းကျန့်ဟာ ပဲရောခေါက်ဆွဲတပွဲကို မှာလိုက်တယ်။ ခရမ်းချဉ်သီးအနှစ်က အနည်းငယ်ငန်ပြီး ပဲထဲကို နို့နဲ့ ခရင်မ်တွေ အများကြီး ထည့်ချက်ထားတာမို့ အဆီတွေများတယ်။ အနည်းငယ်လောက် စားပြီးတာနဲ့ ရှောင်းကျန့်ဟာ ပန်းကန်ကို ပြန်ချလို့ ငြင်းခုန်သံတွေကို နားစွင့်လိုက်တယ်။
VOCÊ ESTÁ LENDO
For Emma ||Completed||
Fanfic"I just want you to remember." Authorized Myanmar Translation. Unicode only.
