Oops! This image does not follow our content guidelines. To continue publishing, please remove it or upload a different image.
"နိုင်းဥယျာဉ်" ကို တရားဝင် ရောင်းချခြင်းနှင့်အတူ ရှောင်းကျန့်ဟာ တမြို့လုံးရဲ့ ပြောစမှတ် တွင်နေတယ်။
သူ နောက်ဆုံး ဖန်တီးထားတဲ့ ရေမွှေးဟာ အဆုံးသတ်မှာ overall ရမှတ်အနေနဲ့ 4.6 ရတယ်။ တရားဝင်ရောင်းချတဲ့ နောက်နေ့ကစပြီး လူတွေဟာ ဆိုင်ခန်းတွေမှာ တန်းစီစောင့်ဆိုင်းနေကြတယ်။ ပါရီမြို့သူ အမျိုးသမီးတွေရဲ့ ရေမွှေးအပေါ် စိတ်အားထက်သန်မှုက ဘယ်တော့မှ ပျောက်ကွယ်သွားမယ်မထင်ဘူး။ သူတို့အကုန်လုံးဟာ ဒီ "Unisex" ရေမွှေးကို ကိုယ်တိုင်ကိုယ်ကျ သုံးချင်နေကြတယ်။
ပထမပတ်မှာတင်ပဲ ရောင်းချတဲ့ဆိုင်တွေမှာ ပစ္စည်းတွေ ပြတ်လပ်သွားပြီး flagship store တွေမှာ အမှာစာတွေ ဆက်တိုက်ဝင်နေတယ်။ ကုမ္ပဏီဟာ အရင်ရောင်းချခဲ့ဖူးတဲ့ ရောင်းအားအတိုင်း ပစ္စည်းတွေကို ပြင်ဆင်ထားတာပေမဲ့ ၁၀ ရက်အတွင်းမှာတင် ရောင်းကုန်သွားခဲ့တယ်။
"နိုင်းဥယျာဉ်"ဟာ အသုံးပြုသူတွေ နှစ်သက်သည်ဖြစ်စေ၊ မနှစ်သက်သည်ဖြစ်စေ အံ့ဩမကုန်နိုင်တဲ့ ရေမွှေးတခုဖြစ်လာတယ်။
လက်ရှိကာလအတွင်း ပါရီရဲ့ ပန်းရနံ့ ထုံသင်းတဲ့ အမျိုးသမီးသုံး ရေမွှေးတွေရဲ့ ထိပ်ဆုံးရပ်တည်နေမှုကို ပြောင်းပြန်လှန်ပစ်လိုက်ပြီး ဆေးရွက်ကြီးနဲ့ သားရေနံ့ပြင်းတဲ့ အမျိုးသားသုံး ရေမွှေးတွေကို စိန်ခေါ်လာတယ်။ ဒါဟာ လိင်အတိအကျ မရှိတဲ့ ရေမွှေးတခုရဲ့ ပထမဆုံးသော ပြောင်မြောက်စွာ ထိုးဖောက်နိုင်ခြင်းဖြစ်တယ်။ အသုံးပြုသူ တော်တော်များများဟာ မှတ်စုလေးတွေ ထားခဲ့ကြတယ်။
နိုင်းဥယျာဉ်ရဲ့ အချဉ်ဓါတ်နဲ့ အခါးဓါတ်ဟာ ခန္ဓာကိုယ်ရဲ့ အပူချိန်ကိုလိုက်ပြီး ပြောင်းလဲနိုင်တယ်တဲ့။
YOU ARE READING
For Emma ||Completed||
Fanfiction"I just want you to remember." Authorized Myanmar Translation. Unicode only.
