Ops! Esta imagem não segue nossas diretrizes de conteúdo. Para continuar a publicação, tente removê-la ou carregar outra.
ပါရီရဲ့ ဆောင်းဦးရာသီနှောင်းပိုင်းက ဖြည်းဖြည်းချင်း ကုန်ဆုံးနေတယ်။ စိန့်မြစ်ဘေး၊ ကျေးဇူးတော်နေ့ ဈေးရောင်းပွဲက အရမ်းကို စည်စည်ကားကား ရှိနေတယ်။ ဆိုပေမဲ့ ဒီနှစ် ရှောင်းကျန့် မသွားဖြစ်ဘူး။
သူ ဓါတ်ခွဲခန်းထဲ ပြောင်းလာပြီး နေနေတဲ့အတိုင်းပဲ။ "ခေါင်မိုးဥယျာဉ်" နဲ့ အတူတူပေါ့။
အခုလို အမျိုး ၁၀၀ ကျော်လောက်ရှိတဲ့ နမူနာတွေကို ရှောင်းကျန့် တခါမှ မလုပ်ခဲ့ဖူးဘူး။ ဒါပေမဲ့ ဘယ်ဟာဆိုတာ ရှောင်းကျန့် မဆုံးဖြတ်ရသေးဘူး။
ညနေခင်း ပုံမှန်အစည်းအဝေးတိုင်းမှာ အဖွဲ့သားတွေဟာ နမူနာရေမွှေးတွေရဲ့ မသိမသာ ကွာခြားချက်တွေကိုတောင် မခွဲခြားနိုင်တော့ဘူး။
ပြင်သစ်တောင်ပိုင်းက စံကားပန်းတွေကို မကြာခင် ခူးတော့မယ်။ ပြီးရင် အမြန်ဆုံးအရှိန်နဲ့ အဆီအနှစ် ပြောင်းပြီး ၁ ပတ်၊ ၂ ပတ်အတွင်းမှာ ပထမဆုံးသော အမွှေးဆီတွေ ရောက်လာတော့မယ်။
"ခေါင်မိုးဥယျာဉ်" အတွက် ရေမွှေးပုလင်းဒီဇိုင်းတွေ အကုန်ပြီးသွားပြီဖြစ်တယ်။ နိုင်းဥယျာဉ် ရေမွှေးပုလင်းနဲ့ အတူတူပဲ။ ဒါပေမဲ့ သူက အစိမ်းနုရောင် ပိုတောက်တယ်။ ထုပ်ပိုးမှု ဒီဇိုင်းကလည်း ဒီနေ့မှာ ပြီးသွားပြီး အစိမ်းရောင်ဥယျာဉ်နေရာမှာ အပြာရောင်ကြာပန်းက အစားထိုးသွားတယ်။
လူတိုင်းဟာ ခေါင်းဆောင်ရေမွှေးပညာရှင်ရဲ့ လက်ရာကို စောင့်မျှော်နေကြတယ်။ ကုမ္ပဏီရဲ့ လူကြီးပိုင်းတွေဟာ ပုံမှန်လုပ်နေကျ အစည်းအဝေးတွေကို အထူးတလည်တက်လို့ ရှောင်းကျန့် ဖန်တီးထားတဲ့ ရေမွှေးသုံးမျိုးကို စမ်းသပ်တယ်။ အကုန်လုံးကို ကောင်းတယ်လို့ ထင်ကြတာမို့ ရှောင်းကျန့်ကို ဆုံးဖြတ်ချက် မြန်မြန်ချခိုင်းတယ်။
VOCÊ ESTÁ LENDO
For Emma ||Completed||
Fanfic"I just want you to remember." Authorized Myanmar Translation. Unicode only.
