အဲ့ဒီနေ့ကစပြီး ရှောင်ယောက်ကွိုက်ဟာ ညနေတိုင်း ခြံဝန်းထဲဆင်းလို့ သရက်သီးစိမ်းတွေ ခူးပေးတော့တယ်။ သူ နည်းလမ်းသစ် ရှာတွေ့ထားတယ်။
ဝမ်ရိပေါ်ဟာ ဈေးကနေ ကြိမ်ခြင်းတခု ဝယ်ထားတယ်။ ကြိမ်ခြင်းအောက်မှာ လျှော်ရမယ့်အဝတ်တွေ ထည့်တဲ့ ဇာပိုက်ကွန်ကို ချိတ်တွဲပြီး သရက်သီးတွေကို ထိုးချတယ်။ ပြီးတာနဲ့ ဇာပိုက်ကွန်နဲ့ သေချာပတ်ထုပ်လို့ ပြန်ယူလာပြီးနောက် သေချာဆေးကြောပြီးတာနဲ့ သာ့ရန်ကို ကျွေးတယ်။
ရှောင်းကျန့်ရဲ့ခြေကျင်းဝတ်က ၂ ရက်လောက် လမ်းမလျှောက်နိုင်အောင် နာနေခဲ့တယ်။ လမ်းလျှောက်နိုင်ပြန်တော့လည်း နာနေတုန်းပဲ။
ပြီးခဲ့တဲ့ရက်တွေအတွင်းမှာ ဝမ်ရိပေါ်ဟာ အဝတ်ဗီရိုထဲမှာ အရင်ဝင်အိပ်တယ်။ ရှောင်းကျန့်က အိပ်ရာဝင်ခါနီး ရေသောက်ဖို့ လိုအပ်လာရင် ဝမ်ရိပေါ်ကို အော်ခေါ်တတ်တယ်။ ရေသောက်ပြီးတဲ့အခါ ရှောင်ယောက်ကွိုက်ဟာ အိပ်ရာပေါ်မှာ ထိုင်လို့ သာ့ရန်ကို အိပ်လို့ရအောင် လုပ်ပေးတယ်။
ရေမွှေးပညာရှင်ရဲ့ အီဂျစ်ခရီးစဉ်က ဒီလိုနဲ့ တဝက်တပျက်မှာ ရပ်တန့်နေတယ်။ သူ ခြေကျင်းဝတ် အဆစ်လွဲပြီး သဲမုန်တိုင်းနဲ့ ကြုံနေတာမို့ ဟိုတယ်ကနေ ထွက်လို့မရဘူး။ ဒါပေမဲ့ ရှောင်းကျန့်ရဲ့ စိတ်အခြေအနေကတော့ အရင်အပတ်တွေထက် ပိုကောင်းနေခဲ့တယ်။ အရင်လို စိတ်ရှုပ်ရတာတွေ မရှိတော့သလိုပဲ။
သူ ဘယ်လိုရေမွှေးကို ဖန်တီးချင်လဲဆိုတာ ရှောင်းကျန့် သိသွားပြီ။ အီဂျစ်ခရီးစဉ်ဟာ ရှေးဟောင်းလူမျိုးစုတွေ၊ ထူးခြားဆန်းကြယ်ဖြစ်ရပ်တွေနဲ့ ပတ်သတ်နေခြင်း မရှိဘူး။ လေကြမ်း၊ သဲကြမ်း တိုက်ခတ်နေတတ်တဲ့ ဥယျာဉ်ထဲက အသီးရနံ့ ခပ်သင်းသင်းကို သူ ရှာတွေ့သွားခဲ့ပြီ။
သရက်သီးစိမ်းပုံပြင်ဟာ ရှောင်းကျန့် ရှာနေခဲ့တဲ့ အီဂျစ်ပဲ ဖြစ်တယ်။
ဒီနေ့ရဲ့ သရက်သီးစိမ်းကို စားပြီးတဲ့အခါ ရှောင်းကျန့်ဟာ ရေမွှေးရဲ့ main note ကို သရက်သီးစိမ်းရနံ့လို့ ဆုံးဖြတ်ချက် ချခဲ့တယ်။ ရေမွှေးဆွတ်ဖြန်းလိုက်တဲ့အခိုက်အတန့်မှာ သူ ခံစားခဲ့ရတဲ့ စိတ်တည်ငြိမ်အေးချမ်းမှုကို ရေမွှေးဝယ်တဲ့သူတွေ ရစေချင်တယ်။
STAI LEGGENDO
For Emma ||Completed||
Fanfiction"I just want you to remember." Authorized Myanmar Translation. Unicode only.
