Oops! Questa immagine non segue le nostre linee guida sui contenuti. Per continuare la pubblicazione, provare a rimuoverlo o caricare un altro.
မှတ်ချက် : ခေါင်မိုးဥယျာဉ်ဟာ ဟားမက်စ်ရဲ့ ဥယျာဉ်စီးရီးထဲက ရေမွှေးတခုဖြစ်ပါတယ်။ ရေမွှေးနာမည်က ကိုယ်ပိုင်မဟုတ်ပါဘူး။ ဒီဇာတ်လမ်းနဲ့ inspiration တွေ အကုန်လုံးက စာရေးသူ ဖန်တီးထားတာမို့ ရေမွှေးအစစ်တခုလို အတည်ကြီး မမှတ်ယူလိုက်ကြပါနဲ့။
***************************************
ခေါင်မိုးဥယျာဉ်ကို ဖန်တီးနေတဲ့ ကာလအတွင်းမှာ လိုအပ်တဲ့ ကုန်စိမ်းတွေ အကုန်လုံး အဆင်သင့်ဖြစ်နေပြီဖြစ်တယ်။
ဗုဒ္ဓဟူးနေ့မှာ ရှောင်ယောက်ကွိုက်က ရှောင်းကျန့်နဲ့အတူ ကုမ္ပဏီကို သွားတယ်။ နှစ်ယောက်လုံးဟာ ဓါတ်ခွဲခန်းထဲမှာ တနေကုန် တံခါးပိတ် နေခဲ့ကြတယ်။ နှင်းဆီအဆီအနှစ်က ပြဿနာတခုဖြစ်လာတယ်။ နှင်းဆီတွေ အများကြီး ထည့်လိုက်ရင် အသီးရနံ့အပေါ်ကို ပန်းရနံ့က ဖုံးလွှမ်းသွားတယ်။ နှင်းဆီကို လျှော့ထည့်လိုက်ရင်တော့ အသီးရနံ့က စံကားပန်းရနံ့ပေါ်ကို ဖုံးလွှမ်းသွားတယ်။
ရေမွှေးပညာရှင်ဟာ အကြိမ်ရေ အနည်းငယ် ကြိုးစားပေမဲ့ ရှောင်ယောက်ကွိုက်က ခေါင်းခါတယ်။ ရှောင်းကျန့်က အနံ့မရနိုင်တဲ့အခါ လက်လျှော့ပြီး ထပ်လုပ်ဖို့ပဲ ရှိတော့တာပေါ့။
အပတ်တကုတ် လုပ်နေခဲ့တာမို့ နေ့တိုင်း ညသန်းခေါင်ကျော်လောက်မှ ရှောင်းကျန့် နားဖြစ်တယ်။ သူ အရမ်းပင်ပန်းနေခဲ့တာမို့ အိပ်ရာပေါ်ရောက်တာနဲ့ အိပ်ပျော်သွားတော့တာပဲ။
ဆောင်းဦးရာသီနှောင်းပိုင်းရဲ့ မနက်ခင်းတခုမှာ အလုပ်ကို သွားခါနီး ရှောင်းကျန့်ဟာ အသီးအနှံ ဈေးကိုသွားလို့ လတ်ဆတ်တဲ့ ပြင်သစ်ပန်းသစ်တော်သီးတွေ ဝယ်ဖို့ ပြင်တယ်။
STAI LEGGENDO
For Emma ||Completed||
Fanfiction"I just want you to remember." Authorized Myanmar Translation. Unicode only.
