သရက်သီးစိမ်းအဆီအနှစ်ကို ရပြီဆိုတာ အီဂျစ်ခရီးစဉ် ပြီးဆုံးပြီဆိုတဲ့ အဓိပ္ပါယ်ဖြစ်တယ်။
ရှောင်းကျန့် နေ့လယ်ကျော်မှ အိပ်ရာထတယ်။ ပထမဆုံး သူလုပ်တဲ့အရာဟာ ပါရီကို မကြာခင် ပြန်လာတော့မယ့်အကြောင်း ကုမ္ပဏီကို သတင်းပို့တာဖြစ်တယ်။
အီးမေးလ်ထဲမှာ ရှောင်းကျန့်က ဓါတ်ခွဲခန်းနဲ့ပတ်သက်ပြီး တောင်းဆိုချက်တွေ အများကြီးလုပ်ထားတယ်။ သူ ပါရီကို ရောက်တဲ့နေ့မှာ သရက်သီးစိမ်း အဆီအနှစ်ကို ရနံ့တွေ ဖြိုခွဲပြီး နမူနာထုတ်ဖို့ တူညီတဲ့ အမွှေးရနံ့ မော်လီကျူးတွေကို အမြန်ဆုံး ကိုက်ညီမယ့်အကြောင်း တောင်းဆိုထားတာဖြစ်တယ်။
ရေမွှေးပညာရှင်ဟာ အားအင်တွေအပြည့်၊ စိတ်တက်ကြွမှုတွေအပြည့် ရှိနေခဲ့တယ်။
ရေမွှေးသမိုင်းမှာ အထပ်ထပ်အခါခါ ဖြစ်နေကျ ဇာတ်လမ်းတွေလိုပဲ၊ ရေမွှေးပညာရှင်ဟာ ကိုင်ရိုကနေ အဖိုးတန်အဆီအနှစ်ကို ရရှိခဲ့ပြီး ပါရီကို ပို့လို့ ပါရီရေမွှေးလောကကို အင်အားဖြည့်တင်းစေတယ်။ ဘယ်တုန်းကမှ အမှားမလုပ်ဖူးတဲ့ အတွက်အချက် ကိရိယာတခုလို လွယ်လွယ်ကူကူ အားထုတ်တယ်။
"အီဂျစ်ခရီးစဉ်" ရေမွှေးဆိုတဲ့ စာတန်းက သူ့ခေါင်းထဲမှာ ပျံသန်းနေပြီး ရေမွှေးပညာရှင်ဟာ ဓါတ်ခွဲခန်းရှိရာကို ချက်ချင်းပျံသန်းသွားချင်နေတယ်။ ရှောင်းကျန့်ဟာ သူ့ရဲ့အလုပ်သစ်အတွက် ယုံကြည်မှုတွေ အပြည့်ရှိနေခဲ့တယ်။
သရက်သီးစိမ်းအဆီအနှစ်ကို ခက်ခက်ခဲခဲ ရထားတာမို့ လုပ်ဆောင်ရမယ့်လုပ်ငန်းစဉ်တွေဟာ အိပ်မက်တခုလိုပါပဲ။
ဝမ်ရိပေါ် နိုးလာတဲ့အခါမှ ဘယ်အမွှေးဆီကုန်သည်ဆီကနေ ရခဲ့တာလဲဆိုတာ ရှောင်းကျန့် မေးတယ်။ ရှောင်ယောက်ကွိုက်က ဖျားနေတုန်းပဲ။ ရှောင်းကျန့် ဟိုတယ်ကနေ ဘယ်မှမသွားဘဲ လိုလာကို သွားခိုင်းလိုက်တယ်။
အဖြေက ရှောင်ယောက်ကွိုက် ပြောတာနဲ့ အတူတူပဲ။ မနေ့ညက ဝမ်ရိပေါ် ရောက်လာတယ်။ ဒါပေမဲ့ ဆိုင်မှာ ဒီလိုသရက်သီးရနံ့မျိုး မရှိဘူး။
ဒီအခြေအနေရောက်တဲ့အခါ ရေမွှေးပညာရှင်ဟာ နောက်ဆုံးမှာတော့ သူ့ရဲ့ပူပန်မှုတွေကို ဘေးချထားလိုက်တော့တယ်။
YOU ARE READING
For Emma ||Completed||
Fanfiction"I just want you to remember." Authorized Myanmar Translation. Unicode only.
