Oops! Bu görüntü içerik kurallarımıza uymuyor. Yayımlamaya devam etmek için görüntüyü kaldırmayı ya da başka bir görüntü yüklemeyi deneyin.
ဝမ်ရိပေါ်ဟာ သစ်သားလင်ဗန်းပေါ် နို့နှစ်ခွက်၊ Cereal နှစ်ပန်းကန်၊ အသီးတွေ အများကြီး ထည့်ထားတဲ့ ပန်းကန်ကြီးနဲ့ ကောက်ဖီတခွက်တင်လို့ အပေါ်ထပ်ကို တက်လာခဲ့တယ်။
သာ့ရန်ဟာ စားပွဲမှာ ထိုင်နေပြီး စာရွက်နှစ်ရွက်ကို ရေးပြီးသွားခဲ့ပြီဖြစ်တယ်။ သူ မှတ်စုစာအုပ်ထဲကနေ အစိမ်းရောင် ကတ်တခုကိုလည်း ဖြဲယူထားပြီး ရေးထားတဲ့စာနဲ့အတူ စာအိတ်ထဲကို ထည့်လိုက်တယ်။
အကုန်လုပ်ပြီးတဲ့အခါ ရှောင်းကျန့်ဟာ ဝမ်ရိပေါ် ပြင်ပေးထားတဲ့ ကော်ဖီကို ယူလို့ တငုံသောက်လိုက်တယ်။ အချိုက သူ့အကြိုက် အနေတော်ပဲ။
"ယောက်ကွိုက် မင်းဖုန်း ဘယ်မှာလဲ? ငါ့ကိုပေး"
ဝမ်ရိပေါ်ဟာ သူ့ဖုန်းကို မနေ့က ဘောင်းဘီအိတ်ထဲကနေ ရှာတွေ့တယ်။ ဖုန်းထဲမှာ လိုလာ့ဆီက မက်ဆေ့ချ်တွေ ဝင်နေတယ်။
ရှောင်းကျန့် မက်ဆေ့ချ်တွေကို နှိပ်ဖတ်လိုက်တဲ့ခါ လိုလာဟာ ရှောင်ယောက်ကွိုက်ကို တောင်းပန်ဖို့ အထပ်ထပ်အခါခါ ပြောနေခဲ့တာဖြစ်တယ်။ သာ့ရန်က နင့်ကို သဘောကျနေတာ၊ သူက နင့်ကို ကူညီနေတာ၊ သူက နင့်ကို လုံးဝ မမုန်းပါဘူးလို့ပေါ့။
ရုတ်တရက်ကြီး သူ ရယ်ချင်လာတယ်။ လိုလာတောင် နားလည်နေတဲ့ဟာ။ ရှောင်းကျန့် မက်ဆေ့ချ်တွေကို ဖျက်ပစ်လိုက်တယ်။ သူနဲ့ လိုလာကလွဲရင် ဝမ်ရိပေါ်ကို ဘယ်သူမှ ဆက်သွယ်ထားတာ မရှိတာမို့ ဖုန်းထဲမှာ ကြော်ငြာတွေချည်း ပြည့်နေတယ်။
ရှောင်းကျန့် သူ့ဖုန်းနံပါတ်ကို ရှာပြီး ဖျက်ပစ်လိုက်တယ်။
သူတို့နှစ်ယောက်ရဲ့ မက်ဆေ့ချ်ပို့ထားတာတွေကို ရှာပြီး ဖျက်ပစ်လိုက်တယ်။
ŞİMDİ OKUDUĞUN
For Emma ||Completed||
Hayran Kurgu"I just want you to remember." Authorized Myanmar Translation. Unicode only.
