Oops! This image does not follow our content guidelines. To continue publishing, please remove it or upload a different image.
နွေရာသီဟာ ပါရီကို ရောက်လာခဲ့ပြီမို့ အိပ်တဲ့အခါ လေအေးပေးစက်တွေ ဖွင့်တဲ့အချိန် ရောက်လာခဲ့တယ်။
အသီးအရသာ ကိတ်မုန့်တွေက နွေရာသီမှာ အကောင်းဆုံးပဲ။ ရှောင်းကျန့်ဟာ အိပ်မက်ထဲမှာ သရက်သီးစိမ်းကို မက်ခဲ့တယ်။ သူ တရက်ရက်ကျရင် Theo ရဲ့ စားသောက်ဆိုင်ကို သွားချင်တယ်။ ရှောင်ယောက်ကွိုက်ရဲ့ "နိုင်းဥယျာဉ်" ကိတ်မုန့်ကို သူ မမြည်းစမ်းရသေးဘူး။
နောက်နေ့နေ့လယ်ထိ ရှောင်းကျန့် အိပ်ပျော်သွားခဲ့တယ်။ သူ နိုးလာတဲ့အချိန်မှာ စောင်အောက်က သူ့ခန္ဓာကိုယ်ဟာ လုံးဝအဝတ်မရှိ ဖြစ်နေခဲ့တယ်။ သူ့ခြေထောက်တွေဟာ ဝမ်ရိပေါ်ရဲ့ခြေထောက်တွေနဲ့ တွယ်ယှက်နေခဲ့ပြီး သူ့လက်တွေက ရှောင်ယောက်ကွိုက်ရဲ့ခါးကို ဖက်ထားတုန်းပဲ။
သူ မော့ကြည့်လိုက်တဲ့အခါ ဝမ်ရိပေါ်ဟာ အဖြူရောင်ညဝတ်အင်္ကျီကို ဝတ်ထားပြီး ခေါင်းအုံးပေါ် လက်တံတောင်ထောက်လို့ သူ့ကို ကြည့်နေတယ်။
"သာ့ရန် ဗိုက်ဆာနေပြီလား? တခုခုစားချင်လား?"
ရှောင်းကျန့် အိပ်ရာပေါ် ပက်လက်လှန်လို့ သူ့ခန္ဓာကိုယ်ကို အကြောဆန့်လိုက်တယ်။ အဖြူရောင်စောင်က သူ့မျက်နှာတဝက်ကို ဖုံးကွယ်ထားပြီး စောင်အောက်မှာ သူ ပြုံးနေတယ်။
သူ ဒီနေ့ ကောင်းကောင်းအိပ်ပျော်နိုင်ခဲ့တယ်။
အရက်နာကျပြီး ခေါင်းကိုက်တာတော့ ရှိနေတုန်းပဲ။ မနေ့ညက စကားများခဲ့တာတွေကို ရှောင်းကျန့် မှတ်မိသွားတယ်။ မထင်ရင် အချိန်တွေ အကြာကြီး ကြာသွားခဲ့သလိုမျိုးပဲ။ သူ စကားတွေ အများကြီး ပြောခဲ့ပြီး သူ့လည်ချောင်းက နည်းနည်းအက်ရှနေတယ်။
YOU ARE READING
For Emma ||Completed||
Fanfiction"I just want you to remember." Authorized Myanmar Translation. Unicode only.
