Ops! Esta imagem não segue nossas diretrizes de conteúdo. Para continuar a publicação, tente removê-la ou carregar outra.
ရေမွှေးပညာရှင်ရှောင်းကျန့်ဟာ နားရက်တရက် ယူပြီး နောက်နေ့မနက်မှာ အစည်းအဝေးခန်းထဲ အချိန်မီ ရောက်နေခဲ့တယ်။ သူဟာ suit အသစ်ကို ဝတ်ဆင်ထားပြီး ရေမွှေးကြော်ငြာထဲက မော်ဒယ်ထက်တောင် ပိုချောနေတယ်။
အစည်းအဝေးခန်းရဲ့ အပြင်မှာတော့ လိုလာဟာ ဝမ်ရိပေါ်ရဲ့ စားပွဲခုံပေါ် မှောက်လုမတတ်နေရင်း ပြောနေတယ်။
"ရှောင်ယောက်ကွိုက် နင် ဖျားနေခဲ့တာ အကြာကြီးပဲ! ကုမ္ပဏီကလူတွေက နင့်အကြောင်း ပြောနေကြတယ်။ အပြင်မှာလည်း နင့်အကြောင်း ပြောနေကြတဲ့လူတွေရှိတယ်..... သူဌေးက အီဂျစ်ကနေ အနံ့ခံအာရုံ ပါရမီပါတဲ့ လူတယောက်ကို ခေါ်လာခဲ့တာဆိုပြီး။ ပြီးတော့ Turin ကို ကောင်းကောင်းကိုယ်တွယ်နိုင်လိုက်တာ နင်ပဲတဲ့"
"လိုလာ ငါ့ရဲ့ အနက်ရောင် suit ကို ပြန်ယူလို့ ရမလား? ငါ ပြန်လိုချင်တယ်"
"အဲ... ငါ သွားမေးပေးမယ်။ အခုဆို ရလောက်ပြီ။ dry-cleaning ဌာနမှာ။ ငါ နေ့လယ်ကျရင် သွားယူပေးမယ်"
ဝမ်ရိပေါ်က ပြန်မပြောဘူး။ လိုလာဟာ spinach juice တွေ ပေကျံသွားခဲ့တဲ့ ရှောင်ယောက်ကွိုက်ရဲ့ အနက်ရောင် suit ကို လုံးလုံး မေ့နေခဲ့တာဖြစ်တယ်။ သတင်းစာရှင်းလင်းပွဲနေ့တုန်းက လိုလာ ဘယ်လောက်တောင် ပျာနေခဲ့သလဲဆိုတာ ဝမ်ရိပေါ် မှတ်မိသေးတယ်။ ကြည့်ရတာ အဲ့ကိစ္စကို ဖြေရှင်းပြီးသွားပြီထင်တယ်။
အစည်းအဝေးခန်းထဲမှာတော့ ခရီးသွားစီးရီးရဲ့ ဒုတိယမြောက် ခရီးစဉ်အတွက်ကို အကြိတ်အနယ် ဆွေးနွေးနေကြတယ်။
ကုမ္ပဏီက ပူတုန်း မီးပူတိုက် ဆိုသလို နှစ်ကူးနဲ့ နောက်နှစ် ချစ်သူများနေ့အတွင်းမှာ ဒုတိယမြောက် "နိုင်းဥယျာဉ်" ကို တရားဝင် ရောင်းချချင်တယ်။
VOCÊ ESTÁ LENDO
For Emma ||Completed||
Fanfic"I just want you to remember." Authorized Myanmar Translation. Unicode only.
