Ops! Esta imagem não segue nossas diretrizes de conteúdo. Para continuar a publicação, tente removê-la ou carregar outra.
Nile Garden နဲ့ပတ်သက်ပြီး သုံးသပ်တာ၊ ထုတ်လုပ်တာနဲ့ publicity လုပ်တာတွေအကုန်လုံးက ရှောင်းကျန့်ထင်ထားခဲ့တာထက် ချောချောမွေ့မွေ့ ပြီးသွားတယ်။ ရုံးချုပ်ကလည်း ဒီလို လုံးဝကွဲထွက်နေတဲ့ အီဂျစ်ခရီးစဉ်ရေမွှေးအပေါ် အရမ်းကို support လုပ်ပေးတယ်။
အဲ့အချိန် ပါရီရေမွှေးလောကမှာ ဂန္တဝင်ပန်းရနံ့တွေက ဦးဆောင်နေတာဖြစ်တယ်။ မွှေးပျံ့ရမယ်၊ ဆွဲဆောင်မှု ရှိရမယ်၊ ဒါမှမဟုတ် နူးညံ့ရမယ်။ ဒါတွေဟာ အမျိုးသမီးရေမွှေးတွေကြား ခေတ်စားနေတာဖြစ်တယ်။ ဒီလိုခေတ်စားနေတဲ့ ရေမွှေးတွေကြားမှာ "အချဉ်ဓါတ်" နဲ့ "အခါးဓါတ်" ကို ကိုယ်စားပြုတဲ့ သံပုယိုသီးရနံ့ဟာ အရန်သဘောလောက်ပဲ ဖြစ်လာနိုင်တယ်။
အီဂျစ်ကနေ ရှောင်းကျန့် သယ်ဆောင်လာခဲ့တဲ့ "နိုင်းဥယျာဉ်" ဟာ ကုမ္ပဏီကြီးတခုရဲ့ commercial line ထဲက ပထမဆုံးသော "လိင်အမျိုးအစားမခွဲ" တဲ့ ရေမွှေးဖြစ်တယ်။
စိန်ခေါ်မှုတွေ ရှိနေပေမဲ့ စွန့်စားရတာကိုက ကုမ္ပဏီတွေရဲ့ ဓလေ့ဖြစ်တဲ့အခါ ရုံးချုပ်ရဲ့ လူကြီးပိုင်းတွေဟာ ရှောင်းကျန့်ရဲ့ ရေမွှေးစီးရီးအပေါ်မှာ မျှော်လင့်ချက်တွေ အပြည့်ရှိနေပြီး "နိုင်းဥယျာဉ်" ထုတ်လုပ်မှုကနေဆင့် အဓိကဈေးကွက်ထဲမှာ "Unisex" ဇိမ်ခံပစ္စည်းလက်ခံနိုင်မှုအပေါ် သက်သေပြနိုင်ဖို့ မျှော်လင့်နေတယ်။
ဒါကို ရေမွှေးပညာရှင်ကိုယ်တိုင်ကတော့ အသိချင်ဆုံးပေါ့။ ဖန်တီးသူဟာ သူ့ရဲ့အလုပ်ကနေ အောင်မြင်မှုနဲ့ ကံကောင်းမှုတွေ သယ်ဆောင်လာဖို့ မျှော်လင့်နေတယ်။
၂ လနီးပါး ပြင်ဆင်မှုတွေ လုပ်ပြီးနောက်မှာ "နိုင်းဥယျာဉ်" ကို အများအပြား ထုတ်လုပ်ခြင်း လုပ်ငန်းစဉ် ပြီးဆုံးသွားခဲ့တယ်။ အရင်တုန်းက ရောင်းအားအတိုင်းဆို အော်ဒါအရေအတွက်ဟာ ၁ လ - ၂ လခန့်စာလောက်ကို မီလိမ့်မယ်။
VOCÊ ESTÁ LENDO
For Emma ||Completed||
Fanfic"I just want you to remember." Authorized Myanmar Translation. Unicode only.
