Oops! This image does not follow our content guidelines. To continue publishing, please remove it or upload a different image.
ရှောင်ယောက်ကွိုက်က ဘယ်လိုမှ ပြောမရဘူး။ လိုလာမှာ မတတ်နိုင်တော့တာမို့ စားပွဲထိုးနှစ်ယောက်ကို အကူအညီခေါ်ပြီးနောက် ခန်းမထဲကနေ ဝမ်ရိပေါ်ကို ဆွဲထုတ်ခိုင်းလိုက်ရတော့တယ်။
ဟိုတယ်အောက်ထပ်မှာ ဝမ်ရိပေါ်ဟာ ရှောင်းကျန့်အတွက် ကုမ္ပဏီက ပြင်ဆင်ပေးထားတဲ့ ကားကို မစီးဘူး။ သူ လမ်းလျှောက်ပြန်ဖို့လုပ်တယ်။ သိပ်မဝေးပေမဲ့ ရှောင်ယောက်ကွိုက်က ပါရီရဲ့ လမ်းတွေနဲ့ သိပ်မရင်းနှီးဘူး။ လိုလာမှာ ဝမ်ရိပေါ်ကို Park Hyatt ဟိုတယ်ဆီ အတင်းပြန်ဆွဲခေါ်လာရတယ်။ သူတို့ ပြန်ရောက်လာတဲ့အချိန်မှာ သတင်းစာရှင်းလင်းပွဲကလည်း ပြီးဆုံးသွားခဲ့ပြီဖြစ်တယ်။
အငြင်းအခုန်တွေ ဖြစ်ပြီးနောက် ကုမ္ပဏီရဲ့ ထိပ်တန်းလူကြီးပိုင်းတွေက Turin ကို ကိုယ်တိုင်ကိုယ်ကျ တောင်းပန်တယ်။ ဝမ်ရိပေါ်က အခုမှ အလုပ်ဝင်တဲ့ အလုပ်သင်တယောက်မို့ မသိနားမလည်လို့ပါဆိုပြီး။ ကုမ္ပဏီနဲ့ ရေမွှေးပညာရှင်ကိုယ်တိုင်ဟာ လူတိုင်းရဲ့ အတွေးအမြင်ကို အလေးထားပြီး ဒီနေ့ည အဖြစ်အပျက်တွေက ပါရီရဲ့ ကောင်းမွန်တဲ့ညချမ်းကို မထိခိုက်စေဖို့ မျှော်လင့်နေတယ်။
ရေမွှေးအကဲဖြတ်ဝေဖန်ရေးသမား Turin ဟာ ဒီလောကထဲမှာ ကျင်လည်ခဲ့တာ နှစ်ပေါင်း ၃၀ ကျော်ကြာပြီဖြစ်တယ်။ သူဟာ ရှေးရိုးစွဲသမားတယောက်ဖြစ်ပြီး နာမည်ကြီး ရေမွှေးပညာရှင်တွေမှာ တမူထူးခြားတဲ့စွမ်းရည်တွေ ရှိသင့်တယ်လို့ ယုံကြည်တယ်။ ဒါဟာ ရှောင်းကျန့်တယောက်တည်းကိုတင် ပြောတာမဟုတ်ဘူး။
ဒီလို "minimalist fragrance" ရဲ့ concept မျိုးကို သူ လက်မခံဘူး။ ရှောင်းကျန့်က တကယ်ကို "minimalist fragrance" ရဲ့ ကိုယ်စားပြုတယောက်ပဲ။
YOU ARE READING
For Emma ||Completed||
Fanfiction"I just want you to remember." Authorized Myanmar Translation. Unicode only.
