Oops! This image does not follow our content guidelines. To continue publishing, please remove it or upload a different image.
ရှောင်ယောက်ကွိုက်က အရမ်းခေါင်းမာတယ်။ ရှောင်းကျန့်ဟာ ဝမ်ရိပေါ်ကို ကောင်မလေးရှိရာ ဆွဲခေါ်လို့ ကျောပေါ်ခပ်ဖွဖွပုတ်ပြီး ခေါင်းညိတ်ပြတယ်။ အဲ့ဒီနောက်မှာတော့ ဝမ်ရိပေါ်ရဲ့ ရွေးချယ်တောင်းပန်တဲ့စကားသံ ထွက်လာတယ်။
"တောင်းပန်ပါတယ်။ သန့်စင်ခန်းတံခါးရှေ့မှာ မင်းကို ဝင်တိုက်ခဲ့မိတဲ့အတွက်"
ကောင်မလေးက ပြောတယ်။
"တခြားကိစ္စအတွက်ကရော? နင် ငါ့နောက်ကို လိုက်လာပြီး ငါ့ကို စော်ကားတာလေ။ အဲ့ဒါအတွက်ပါ တောင်းပန်"
"ငါ မလုပ်ခဲ့ဘူး။ ငါ မလုပ်....."
ဝမ်ရိပေါ်ဟာ စတင်ပြီး ပြန်လည်ငြင်းခုန်ဖို့တွေလုပ်ဖို့ ပြင်ပေမဲ့ ရှောင်းကျန့်က သူ့ကို ဝင်ဖြတ်ပြောတယ်။
"မိန်းကလေး ငါတို့ ရဲစခန်းသွားပြီး မင်း No. 24 Fabu Street ရေမွှေး သုံးမသုံးဆိုတာ မင်းအိမ်ကို သွားရှာခိုင်းလို့ရတယ်။ ပြီးရင် ငါကိုယ်တိုင် အတည်ပြုပေးမယ်၊ အဲဒီ No. 24 Fabu Street မှာ ဩဂတ်စ်အိုင်းရစ် ပါဝင်နေတာ ဟုတ်မဟုတ်"
ကောင်မလေးရဲ့ ခေါင်းက တဖြည်းဖြည်း ပိုပိုငုံ့သွားပြီး အသံတွေ တိတ်ဆိတ်သွားတယ်။ ရှောင်းကျန့်က ဆက်ပြောတယ်။
"မင်းကိုယ်ပေါ်က ရေမွှေးနံ့က သူ ပြောတဲ့ ဩဂတ်စ်အိုင်းရစ် ဟုတ်မဟုတ် စစ်ပြီးရင် သူ လိမ်နေသလားဆိုတာ သိရမှာပဲလေ။ မင်း အဲ့လိုလုပ်ချင်တာလား?"
"ရှန့်ရှန်း ကျမမှာ လုပ်စရာတွေ အများကြီးရှိတယ်။ စစ်ဆေးစရာ မလိုဘူး....."
"သူလိမ်နေတာ ရေမွှေးအကြောင်း မဟုတ်ဘူးဆိုရင် စားသောက်ဆိုင်ရဲ့ လုံခြုံရေးကင်မရာကနေတဆင့် ငါတို့ ရှာလို့ရတာပဲ။ သန့်စင်ခန်းထဲထိ မမြင်ရပေမဲ့ သူ ဝင်သွားခဲ့တာ ဟုတ်မဟုတ်ကတော့ သိရမှာပဲလေ။ အသရေဖျက်တဲ့လူဘက်ကလည်း မဟုတ်မမှန်နေရင် လျော်ကြေးပေးရတယ်ဆိုတာ မင်းသိမယ်ထင်တယ်"
YOU ARE READING
For Emma ||Completed||
Fanfiction"I just want you to remember." Authorized Myanmar Translation. Unicode only.
