ညခင်းဘက် ရောက်လာလေ၊ ပါရီရဲ့ညက ပိုပြီး စိတ်ဝင်စားစရာ ကောင်းလာလေပါပဲ။ ဒီညရဲ့ Four Point Street မှာ စိတ်ဝင်စားစရာတွေ ဖြစ်နေတယ်။
ရှောင်းကျန့်က ရှေ့က လျှောက်နေပြီး ဝမ်ရိပေါ်ကတော့ ကျောပိုးအိတ်ကြီးကို လွယ်လို့ နောက်ကနေ မီတာဝက် ခွာလိုက်နေတယ်။ သာ့ရန်က ဘယ်ကိုသွားမယ်ဆိုတာ ဘာမှမပြောဘူး။
ပါရီကလူတွေ လမ်းလျှောက်တာ အရမ်းမြန်တယ်။ "အရည်အချင်းနောက်ကို အမြဲလိုက်တယ်" တဲ့လား။ ရှောင်ယောက်ကွိုက်ဟာ ကောင်းကင်ပေါ်ကို မော့ကြည့်လို့ နောက်ကနေ အမီပြေးလိုက်သွားတယ်။
ခြေလှမ်းအနည်းငယ် ပြေးပြီးတဲ့အခါ သာ့ရန်နဲ့ ဘေးချင်းယှဉ်လျှောက်သွားတယ်။ ရှောင်းကျန့်က သူ့ကို တချက်ကြည့်လိုက်ပြီး ခပ်သွက်သွက် လျှောက်လိုက်တာမို့ ရှောင်းကျန့်ရဲ့ အိမ်ကို ရောက်တဲ့အထိ သူတို့ကြားမှာ မီတာဝက် ခြားနေခဲ့တယ်။
ဟိုတယ်နဲ့ သိပ်မဝေးဘူး။ ကြားထဲမှာ အထပ်မြင့်တိုက် ၅ ခု ၆ ခုလောက်ပဲ ခြားတယ်။ ရှောင်းကျန့်က District 7 မှာ နေတာဖြစ်ပြီး ကုမ္ပဏီနဲ့ နီးတယ်။
ကုမ္ပဏီနဲ့ လမ်းလျှောက်သွားလို့ရတဲ့ အကွာအဝေးဖြစ်ပြီး ကုန်းကျော်တံတားကို ကျော်သွားတဲ့အခါ ပြင်သစ်ရေမွှေးစီးပွားရေးလုပ်ငန်းရဲ့ အချက်အချာကို ရောက်တယ်။ ရှေးအကျဆုံးသော ဘရန်းတွေနဲ့ ရှေးဦးအကျဆုံးသော စတူဒီယိုတွေ စုစည်းထားရာ နေရာပေါ့။
ရှောင်းကျန့်က ဘာမှမပြောဘဲ ခြံဝန်းတံခါးကို ဖွင့်လိုက်တယ်။ အိမ်တွေက နှစ်ထပ်တိုက် အဆောက်အဦးလေးတွေဖြစ်ပြီး တအိမ်နဲ့တအိမ်ကြား အိမ်နံရံပဲခြားအောင် ကပ်ဆောက်ထားတယ်။ အိမ်တိုင်းမှာ Arc de Triomphe ရဲ့ အနုပညာလက်ရာတွေ ထွင်းထုထားတဲ့ ဝရန်တာလေးတွေ ပါရှိတယ်။
ပါရီမြို့လယ်ရဲ့အိမ်တွေက အိုဟောင်းနေပြီဖြစ်ပြီး ရွှေ့ပြောင်းလို့ မရဘူး။ အကုန်လုံးက နေရာကောင်းမှာချည်း တည်ရှိနေတာဖြစ်တယ်။ အရမ်းဈေးကြီးပြီး စတိုင်အပြည့်၊ ဟန်ပန်အပြည့်ရှိတယ်။ ရှောင်းကျန့် ဒီအိမ်နဲ့ပတ်သက်ပြီး သဘောကျရတဲ့ အချက်တွေ အများကြီးရှိတယ်။ ဆူဇူကီးဂျွန် ဒီအိမ်ကို ပထမဆုံးအကြိမ် ရောက်ခဲ့တုန်းကဆို ၁၀ မိနစ်တိတိ ချီးကျူးလို့မဆုံး ဖြစ်နေခဲ့တယ်။
VOUS LISEZ
For Emma ||Completed||
Fanfiction"I just want you to remember." Authorized Myanmar Translation. Unicode only.
