For Emma ||Completed||

Rose Requiem - 43

ခေါင်မိုးဥယျာဉ်ကို ဇန်နဝါရီလ အဆုံးသတ်မှာ ဖြန့်ချိတယ်။ ရေမွှေးပညာရှင်ရှောင်းကျန့်ဟာ နောက်တကြိမ် နာမည်ကြီးလာခဲ့တယ်။

"ခေါင်မိုးဥယျာဉ်" ဟာ ရေမွှေးအကဲဖြတ်တွေရဲ့ overall ရမှတ်အနေနဲ့ 4.5 stars ရရှိတယ်။ ရှောင်းကျန့်ဟာ တနှစ်အတွင်းမှာ ရမှတ် 4.5 နှင့်အထက် ရရှိတဲ့ ရေမွှေးနှစ်မျိုးကို ဖန်တီးထုတ်လုပ်နိုင်ခဲ့တာမို့ သူ့နာမည်ဟာ ရေမွှေးလောကမှာ ခိုင်ခိုင်ခံ့ခံ့ ရပ်တည်နိုင်သွားတယ်။

ရှောင်းကျန့် ဖန်တီးတဲ့ ခရီးသွားစီးရီးဟာ ရေမွှေးအကဲဖြတ်တွေကိုတင် သဘောကျစေခဲ့တာ မဟုတ်ဘဲ နှစ်ကူး ဈေးဝယ်ကာလကိုပါ အကြီးအကျယ် လွှမ်းမိုးနိုင်ခဲ့ပြီး ဆိုင်တွေတိုင်းမှာ နှစ်ကူးနဲ့ ချစ်သူများနေ့ လက်ဆောင်အဖြစ် လူကြိုက်အများဆုံး ဖြစ်လာခဲ့တယ်။ ဖြန့်ချိပြီး ၃ ပတ်အကြာမှာ ခေါင်မိုးဥယျာဉ်ဟာ နောက်တကြိမ် ပစ္စည်းပြတ်လပ်သွားခဲ့ပြီး ဖေဖော်ဝါရီလအတွက် ကြိုတင်မှာယူမယ်ဆို ငွေအပြည့်ချေထားဖို့လိုတယ်။

ပါရီရဲ့ နှင်းကျရာသီဟာ ဇန်နဝါရီလမှာ စတင်တယ်။ မြင့်မြတ်တဲ့မုလန်ကို ဝယ်ထားတဲ့လူတွေဟာ ဒီနှစ်ရဲ့ ပထမဆုံးသော သိပ်သည်းတဲ့နှင်းကို မျှော်လင့်နေကြတယ်။ အဖြူရောင်ပန်းနဲ့ အဖြူရောင်နှင်းတွေဟာ အလိုက်ဖက်ဆုံးသော တွဲဖက်မှုဖြစ်တယ်။ အထူးသဖြင့် မြင့်မြတ်ပြီး ရှားပါးတဲ့ စံကားပန်းပေါ့။

ရေမွှေးပညာရှင်ရှောင်းကျန့်ဟာ အရည်အသွေးနဲ့ ရောင်းအားကြောင့် နှစ်ထပ်ကွမ်း အာမခံချက်တွေ ရှိလာခဲ့ပြီး သူ့ရဲ့ ဂုဏ်သိက္ခာနဲ့ ကြွယ်ဝမှုကလည်း တိုးလာခဲ့တယ်။

ရှောင်းကျန့်ဟာ သူ့မျှော်မှန်းထားခဲ့တာထက် ကျော်လွန်တဲ့ ဘောနပ်စ်နဲ့အတူ ၃ နှစ်တာ စာချုပ်ကို လက်ခံရရှိတယ်။ ပြီးတော့ စီးရီးတခုလုံးစာအတွက် သူ့ရာထူးဟာ ခေါင်းဆောင်ရေမွှေးပညာရှင်ဆိုတဲ့ ဂုဏ်ပုဒ်ဖြစ်တယ်။

သူတို့သူဌေးက လစာနဲ့ ရာထူးတိုးရုံတင် မဟုတ်ဘူး၊ ဖန်တီးမှုဌာနက အဖွဲ့ဝင်တွေ အကုန်လုံးရဲ့ တန်ဖိုးလည်း မြင့်တက်သွားခဲ့ပြီး မီးရောင်အောက် ရောက်နေခဲ့တယ်။