Way Back Home ( Completed )

Spring Diary - 1

Unicode

နီညိုရောင် သစ်ရွက်ခြောက်တွေဟာ လေထုထဲမကြာခဏလွင့်စင်နေပုံထောက် နွေရာသီကို နောက်တစ်ကျော့ပြန်ပြီး ရောက်ရှိလာပြီထင်ပါရဲ့။
စိမ်းစိုစိုအရွက်တွေဟာ အပင်တိုင်း၌ လွန်စွာရှားပါးနေခဲ့သော အခိုက်အတန့်ဖြစ်နေပြီး ပူပြင်းလှသည့်နေရောင်ခြည်ဒဏ်ကိုလည်း တစ်နေ့ခင်းလုံးခံစားနေရမည့်ရက်စွဲတွေပါပဲ။

'ဂူဟွာ' ဟူ၍အမည်ရသည့် နယ်မြို့ကလေးမှာတော့ အသီးအနှံတွေကိုအဓိကထားရင်း ခြံလုပ်ငန်းတွေကိုသာ အရင်းခံ၍လုပ်ကိုင်လေ့ရှိကြသည်။
စတော်ဘယ်ရီခြံ၊ လိမ္မော်ခြံ၊ စပျစ်ခြံ စသဖြင့်များစွာသော အသီးအနှံတွေဟာ ဂူဟွာဒေသလေး၏ ရာသီတစ်ခုစီမှာ ဖြစ်ထွန်းတက်ပါသေးသည်။
များသောအားဖြင့် ထိုဒေသတစ်ခုလုံးမှာ သီးနှံပင်တွေကိုသာအားကိုးရင်း ရှာဖွေစားသောက်ကြရသည်။

လယ်ယာစိုက်ပျိုးရေးဟူ၍ ထပ်ပြီးရှိနေပေမဲ့ နွေရာသီကိုရောက်ပြီဖြစ်တာမို့ အသီးခြံတွေထံ၌သာ ပိုကာအားစိုက်ထားကြပြီး လယ်စိုက်ခြင်းကိုတော့ မိုးရာသီအဝင်၌ပြန်၍စတင်တက်ကြသည်။

ထိုမျှသော ပူအိုက်လှသည့်နွေရာသီနေ့လယ်ခင်းတွေထဲ ဂူဟွာဒေသရှိ ဂေဟာလေးတစ်ခုအတွင်း၌တော့ နေပူဒဏ်ကိုမမှုကြသည့်နှယ် ပြေးလွှားရင်း ဆော့ကစားနေကြသည့် ကလေးငယ်လေးတွေဟာ အများအပြား။
ဂူဟွာဒေသမှာ မြို့နဲ့အနည်းငယ်အလှမ်းဝေးပေမဲ့ မြို့ရွာကလေးတစ်ခုနှယ်ဖြစ်နေသည်မို့ အိမ်ကြီးအိမ်ကောင်းတွေဟူ၍လည်း သိပ်မရှိတက်ပါပဲ ထိုဂေဟာလေးမှာလဲ ခိုင်ခံ့သည်ဆိုရုံလောက်ပါပဲ။

ကျယ်ပြန့်လှသည်မဟုတ်ပေမဲ့ လာရောက်သမျှကလေးငယ်တွေအကုန်နီးပါး နားခိုနိုင်ဖို့ရာတော့ ထိုဂေဟာလေးကလုံခြုံမှုကိုပေးစွမ်းနိုင်ပါရဲ့။ ဂေဟာတစ်ဖက်ခြမ်းတွင်တော့ အရိပ်အမိုးကောင်းကောင်းရလှသည့် အပင်ကြီးတစ်ပင်ရှိနေပြီး ထိုအပင်အောက်တွင်တော့ သစ်သားခုံတန်းလေးတစ်ခုရှိနေပါသေး၏။

အပူအပင်ဆိုသည်ဟာ မည်သည့်အရာမှန်းမသိတက်သေးသည့် ၁၀ နှစ်၊ ၁၁ နှစ်ဝန်းကျင် အရွယ်ကလေးတွေမှာတော့ တစ်ချိန်လုံးနီးပါး စားရင်း၊ အိပ်ရင်း၊ ရယ်မောရင်းသာ ပျော်ရွှင်နေတက်ကြသည်။ နေ့စဉ်နေ့တိုင်း ရယ်မောတစ်လှည့် ငိုတစ်လှည့်ဖြင့် ထိန်းကျောင်းလာရသည့်ကလေးတွေဟာ တစ်နှစ်ထက်တစ်နှစ် ပို၍များပြားလာခဲ့တာဖြစ်၏။