(أنْتَ تُهْمِلْ وَغَيْرُكَ يَهْتَمْ ... وَالقَلْبُ يَا سَيدِي مَيالْ)

بارت ٤٧

قواءه ممتعه🦋🦋
لا تنسون تصويت وكومنت🤍🤍

في الليل
كانت منيره في غرفتها جالسه على كرسيها وبين يدينها مصفح كانت تقرا ، فجاه سمعت صوت طرق باب : تفضل ،، انفتح الباب وقفلت المنيره المصحف وناظرت تشوف مين ، ابتسمت بحنان لبناتها الثلاثه داخلين عليها وقالت: اتفضلو وش مهببين فيه يوم انكم كلكم جاييين لغرفتي ، ضحكت ساره وقالت: ما سوينا شي بس جينا نبي نكلمك في موضوع،، استغربت منيره من كلام ساره والي زاد شكوكها ان لين كانت هاديه وما منها صوت وقالت: عسى ما شر صاير شي؟ تكلمت ساره: لا يا يمه تطمني بس،، سكتت ساره وحطت يدها على كتف لين تشجعها انها تتكلم  بما انها هي الي فتحت الموضوع بينها وبين خواتها: يمه عادي نحجز موعد عند الدكتور خالد **** ، استغربت منيره من طلب بنتها وقالت بخوف : ليه في احد تعبان؟؟ ابتسمت لين وقالت : لا بس ،،، وسردت لها قصه ملاك من الاول للاخر وكانت تحاول ما تبكي لانها تعاطفت كثير معها وكيف كانت حياتها صعبه،، حزنت منيره على حاله ملاك وتهندت : ابشرو بكلم نواف يشوف لنا اقرب موعد عنده ونكلم ملاك بالموضوع ، خافت لين وتكلمت بسرعه: لا لا ملاك لا تعرف ولا تدري ولا تعلمونها،، استغربت منيره واستغربو خواتها من خوف لين وتكلمت ساره : وليه ما نقول لها ما هو الموضوع يخصها؟ ، سكتت لين وقالت بعد ما حاربت دموعها من انها تنزل : بس هي ما تبي، نزلت دموعها وجلست على الارض تبكي بصمت ، خافت تولين على توأمها ونزلت معها وحضنتها وهي تهمس لها بكلمات تهديها بس ما كانت حاسه بنفسها انها قاعده تبكي مع توأمها ،،،
بعد حديث طويل صار بين البنات وامهم اتفقو انهم رح يكلمون نواف لحاله ويدورون لملاك موعد واذا قرب فاتحوها بالموضوع ،،
نروح لبطلتنا الي كانت في غرفتها جالسه تقرا كتاب جديد اهدته لها ساره، بس قفلت وهي تتنهد بعد ما طفشت من القراءه ، ^ اخخخ ما احب الهدوء هذا ، اشتقت للمى ورغد كان نفسي اقعد عندهم بس ما اقدر حالتهم صعبه وبيوتهم صغيره صح انهم ما رح يقصرون معي بس ما ابيهم يتضررون من كلام الناس بسببي ^ تنهدت ملاك للمره المليون وسمعت طرق خفيف على الباب وقالت بصوت عالي : تفضل ، انفتح الباب وابتسمت بعد ما عرفت تحدد هويه الشخصين الي دخلو عليها : اهلا اهلا بالتوأم المختلف،، ضحكت تولين على لقبهم الي من يوم صارت معهم وهي تناديهم فيه ، لين بضحك : يختي اموت واعرف انتي كيف تعرفين مين احنا والله حتى الصوت حاولت ما اطلع عشان ما تعرفيني،، ابتسمت ملاك وقالت : عندي قدره خارقه اعرف مين الشخص من خطواته هههه ، ضحكو البنات على تعليقها وراحو يجلسون معها ،،