(أنْتَ تُهْمِلْ وَغَيْرُكَ يَهْتَمْ ... وَالقَلْبُ يَا سَيدِي مَيالْ)

بارت ٤٠

قراءه ممتعه🦋

اول ما وصلو شافوا ان اغراضهم باقي نفس مكانها تنهد خالد بارتياح لانهم اسرعو يسعفون ملاك ولا كان في وقت يشيلون اغراضهم ، راحت الجده تشيل الاغراض وراح خالد وملاك لنفس المكان الي كانت تجمع الاصداف فيه ، صادفو بالمكان بعض الاطفال الي كانو يلعبون مع ملاك وانهالو عليه بالاسئله ، كانت ملاك مستحيه لانها مو متعوده تصير محط الانظار ضحك ابوها على شكلها ونزل لمستواهم وقال: اسف اني صرخت عليكم بس لاني كنت خايف على بنتي ، ابتسمو الاطفال ببراءه وسامحوه وساعدو ملاك يملون الدلو حقها بانواع من الاصداف اشكال والوان ، لاحظت ملاك نفس الصدفه الي خوفتها وراحت لابوها وهي خايفه: بابا شوف هذا بيت السلطعون،، ضحك خالد على كلامها وراح للصدفه ناظره حوله وحصل عصا شالها وصار يحرك الصدفه عشان يطلع السلطعون الي فيها ، وما هي الا دقايق وخرج منها السلطون وخافت ملاك وتخبت ورا ابوها ، ضحك خالد وقال: افا تخافين وانا موجود ، ناظرته ملاك وهي خايفه ، كمل : باثبته بالعصا ما رح يسوي لك شي، وفعلا ثبت السلطعون بالعصا لكن بحذر عشان ما يأذيه، قربت ملاك منه شوي وهي خايفه كثير منه وقالت : س سيد سل سلطعون انا انا اسفه اني اخذت بيتك م ما كان قصدي ، ابتسم خالد على كلام بنته وبعد ما تاكد ان ملاك قالت الي في قلبها حرر السلطعون وهرب لوسط البحر ،، ابتسمت ملاك لابوها وحضنته وقالت : انت بطلي ، ولفت تناظر اشكال الصدف وتوريها لابوها : بابا شووف ما احلاها لمن نرجع البيت بوريها للمى ورغد واعلمهم انو نقدر نسوي فيها اكسسوارات بينبسطون هههه،، كلنت تتكلم وتشرح لهم لون وشكل كل واحد ولكن خالد سرح فيها وهي تتكلم وما عرف كيف انو بنته الي تبلغ من العمر ٦ سنوات رح تصير عمياء ،،