(أنْتَ تُهْمِلْ وَغَيْرُكَ يَهْتَمْ ... وَالقَلْبُ يَا سَيدِي مَيالْ)

بارت ٥٢

كانت تدق على لين لها ربع ساعه بس ما كان فيه اي رد وبدت تتوتر ، كانت بتتصل على نواف لكن شافتهم وهم الثلاثه مقبلين عليهم، تولين: وينك من جوالك لي ساعه ادق عليك!!!!، لين : اوووله ساعه يا الكذابه مالك الا دقايق وانتي تدقين علي،، تولين: من الخوف احسب صار لكم شي او ضاعت ملاك او تعرض لكم احد، طبعا لين توترت كيف ان كل كلمه قالتها تولين صارت قبل شوي ، ضحكت لين بتوتر وقالت : ياختي صدق انك تتابعين افلام كثيره وش يمكن يصير لها هذا حنا بخير وشوفي جبت لك القهوه الي تحبينها، اخذت تولين قهوتها وشكرت لين ناظرت لاخوها بس حست من ملامح وجهه انه معصب ، كانت بتسال بس خافت من عصبيته وصراخه عليها فقررت تسكت عشان ما تصير جلبه، لكن الي كانت خايفه منه صار يوم سمعت صوت ساره من وراها يقول : ليه وجهك كذا مقلوب صاير شي؟؟ ، اخذ نفس وطلعه وقال بصوت هامس لكن واضح عليه الغضب : انا وش نبهت عليه قبل لا تنزلون من السياره هاه ؟ انا قلت انتبهو لنفسكم ولملاك بالاخص،، سكت وكمل : ليه اول ما دخلت لقيتها لحالها واقفه ولا فيه واحد ابن ك** ماسك يدها وقاعد يشدها له!!!!، طبعا ردت فعلهم كانت غير متوقعه لنواف، كان متوقع يخافون او يبدون يبررون بس ما حس الا بساره تبعده من قدامه وتمسك يد ملاك ، تكلمت ساره بقلق: صار لك شي؟ سوا لك شي ؟؟ ، تجمعو ثلاثتهم عليها بملامح قلقانه، ملاك بضحك: لا ما صار لي شي وحمدلله نواف وصل وانقذني ههههه، كانت تولين بتتكلم بس شدها يد ملاك ومدت يدها تمسكها بس خافت من سمعت ملاك تصرخ بالم،،، تولين بخوف: وليه يدك كذا وش صار؟؟، توهقت ملاك وقالت : ءءء كنت امشي ووطحت ايوه طحت على الارض ،، تكلمت ساره بعدم تصديق : توك تقولين ما صار لك شي، وبعصبيه : هو الي سوا لك كذا؟؟؟؟، نزلت ملاك راسها مو عارفه وش تقول او تسوي وكانت حاسه انها خربت عليهم طلعتهم ،، عصبت ساره وناظرت اخوها : التبن هذا وينه لا يكون هرب!؟، تكلم نواف وعلى وجهه ابتسامه: لا بلغت عليه الشرطه بعد ما كسرت له انفه ، ساره : ليتك كسرت له يده ورجلينه بعد ، ضحك نواف على كلام اخته ورجع نظره لملاك الي منزله راسها ، وشد نظره لين الي كنت هاديه عرف انها تحس بالندم وانه الي صار بسببها، تنهد من الحوسه الي صارت وحس ان السبب الاكبرعليه لانه يعرف الاشكال هذي متواجده بكثره ومع حاله ملاك فهي فريسه سهله بالنسبه لهم، اخذ نفس وحاول يغير الجو المشحون : يالله ما اشوف اكياس كثيره بيدكم وين الي مزعجيني نبي نروح للسوق ناخذ لنا اغراض؟؟ ، وبابتسامه : يالله قدامي واي شي يعجبكم او يطيح عينكم عليه اشتروه،،،،،