(أنْتَ تُهْمِلْ وَغَيْرُكَ يَهْتَمْ ... وَالقَلْبُ يَا سَيدِي مَيالْ)

البارت ٢٩

بعد نص ساعه ..... وصلو لبيت جدهم الي كانو بيجتمعون فيه ، واقل شي ينقال عن البيت انه قصر من كبره وجماله وفخامته نزلو وتوجهو البنات للقسم الحريم الي داخل ونواف راح لعند مجلس الرجاجيل ،،، كان نواف يمشي ويسمع أصواتهم من برا وتمنى بهذي اللحظه ان ابوه معه وجنبه بذي المواقف وقف مكانه وسرح بتفكيره بعييييد مره ، ما حس الي باليد الي تنحط على كتفه،......: مالك نيه تسلم علي يا خاين ، نواف: لؤي ؟ يوووووه من زمان عنك يا رجال ههههههه، لؤي: هههههه انا الي من زمان عني انت الي قاطع بس تروح ترجع للرياض يوم وبعدها ترد للشرقيه أسابيع ما نشوفك ، نواف: هههههه اسف وانا اخوك تعرف الاهل كانو هناك وما اقدر أكون بعيد عنهم لا احتاجو شي ولا كذا، بدو يسولفون الين دخلو مجلس الرجال ،نواف ببرود ورزانه: السلام عليكم، رد الكل السلام وصارو يسألون عن الأحوال ......
نروح لنفس الوقت بس عند الحريم، دخلو البنات وام نواف بعد ما فصخو عباياتهم دخلو وكانت ملاك ماسكه يد ساره بس فجاه وقفت يوم حست انهم قربو من عند الحريم، ساره باستغراب: وش فيك وقفتي؟ ،ملاك بتردد: مدري خايفه ادخل وتصير سالفه كان خليتوني بالبيت احسن ، ساره بحنيه : يا عمري لا تحاتين خليهم يتكلمون الين بكره مالهم دخل وانتي الحين بحسبة اختنا ، ابتسمت ملاك على كلمه اخت وتنهدت وكملت مشي مع ساره، كانو الحريم مندمجين بسواليفهم الين شافو البنت الغريبه الي دخلت ورا ام نواف وبناتها، صح انهم ما يجتمعون كثير بس يعرفون انو ما عند ام نواف الى ٣ بنات وولد واحد ، والمشكله انو كانت ايه بالجمال صح ان عائلة ام نواف كلهم جميلين بس هذي كان جمالها مو طبيعي ،،،، المهم نرجع لوحده من الحريم الي جالسين استوعبت انو ما احد رحب فيهم فقامت ترحب: يا هلا والله يا هلا بام نواف وبناتها توه ما نور المكان ، بادلتها ام نواف الابستامه وقالت: النور نوره أهلها يا ام تركي ، بدو يسلمون على الحريم و الف سوال وسوال برووسهم من هذي الي معهم؟ بعد ما جلسو طبعا ملاك جلست بين ساره ولين ، ام تركي وهي حاطه عينيها على ملاك وجمالها: يا حيا الله بنتنا الا يا ام نواف ما قلتي لي من هذي ؟ ام نواف بابتسامه: هذي ملاك بنت خالد ال.......، استغربو الكل وقبل ما احد يتكلم كملت: وتصير خطيبة نواف،

رايكم بكلام ام نواف وليه قالت كذا؟

لا تنسون تصويت يا حلوين🦋