(أنْتَ تُهْمِلْ وَغَيْرُكَ يَهْتَمْ ... وَالقَلْبُ يَا سَيدِي مَيالْ)

بارت ٥١

ارتطم ظهرها بصدر الي وراها وعرفته من ريحه عطره،، مسك يد الرجال الي كانت متمسكه بمعصم ملاك بقوه وقال بصوت هادي : اترك يدها،، ضحك الرجال وقال : لا يا الطيب انا شفتها اول روح توكل ، ضحك نواف وقال : ما رح اعيد كلمتي مره ثانيه، ابتسم الرجال وقال : شكلك حاط عيونك عليها خلاص وش رايك نتشارك ، وغمز له وضحك بس ما كمل ضحكته من يوم حس باللكمه الي في نص وجهه، دوخ من الم انفه وترك يد ملاك ، تحسس انفه وشاف انه فيه دم وقال بعصبيه : انت انت متخلف ليه تضربني كذا !!!!! رح اشتكي عليك، ناظره نواف وكانت ملامحه ساخره ومايله للاشمئزاز وقال : تفضل روح واشتكي حاب اشوفك تحاول ، كان بيرد عليه بس حس بالشرطي الي مسكه من ورا وكلبش يده وقال : انت معاقب بتهمه تحرش ،، انصدم الرجال وكان بيصارخ ويبرر لكن تكلمت الشرطي بحده : اي كلمه تقولها رح نخليها تهمه اتجاهك،،، بعد ماً اخذو الشرطه الرجال بعيد تنهد نواف وناظر لملاك وقال بشبه عصبيه وخوف : انتي وش تسوين لحالك مو قلت لا تبعدون من بعض وبالذات انتي؟؟؟؟ تخيلي لو تاخرت او المصيبه اني ما جيت وشفتك وش كان صار لك هاه!!! ، ملاك طبعا اسالوها وين انتي مو عارفه ضاعت من شمت ريحة عطره الي صايره مغرمه فيه، كانت بتتكلم تبرر بس ما حست الا بالي حضنها من ورا وهي خايفه : ملاكككككككككك حمدلله يا رب لقيتك ،،، وبخوف: انتي بخير وين رحتي صار لك شيي؟؟ طبعا ما شافت نواف الي كان واقف جنبها ، تكلم وهو معصب وقال : يعني كانت معك وانتي ضيعتيها؟؟ توترت من نبرة نواف وكانت رح تتكلم بس قاطعتها ملاك وقالت : انا الغلطانه قالت لي انتظرها عند الطاوله بس انا الي قمت من مكاني وضعت ،،تكلمت لين تدافع عن ملاك : لا لا انا الغلطانه مفروض ما خليتك وكنت منتبه لك ، ابتسمت ملاك وكانت تبي تتكلم لكن قاطعهم نواف وقال : حصل خير بس مره ثانيه لا عاد تبعدون عن بعض تخيلي لو تاخرت بس شوي الله اعلم وين كان خطفك او نومك واخذك معه،، شهقت لين بخوف وقالت : يمه وش صار مين هذا ؟؟؟ وناظرت ليد ملاك وهي حاطتها على معصمها وكان لونه احمر من ضغط الرجال بقوه عليه ، تكلمت بخوف وهي ترفع معصمها لعند وجهها : بسم الله الرحمن الرحيم وش صار لك مين سوا كذا فيك؟؟؟ شاف نواف يدها وتكلم من بين اسنانه : كان مفروض اكسر له يده بعد مو بس انفه،، ناظرته لين تنتظر تبرير من احد بس تكلمت ملاك وقالت : ما صار شي يا قلبي كنت امشي وطحت وشكل يدي تعورت
بس ما حسيت فيها الا يوم تكلمتي ، ناظرتها لين وهي عارفه ان كل شي قالته الحين كذبه بس قررت تسكت وتستجوبها اذا رجعو البيت،،