(أنْتَ تُهْمِلْ وَغَيْرُكَ يَهْتَمْ ... وَالقَلْبُ يَا سَيدِي مَيالْ)

بارت ٣٥

ملاك كانت تسمع وساكته دايم يجيها شعور انها دخيله بينهم وانه مفروض ما تكون معهم في جلساتهم العائليه هذي ، كانت بتقوم تروح لغرفتها الين سمعت منيره جايه : الله يديم جمعتنا الحلوه هذي ويخليكم لي كلكم يا اطفالي ،، ضحكت لين وقالت : يمه الله يهديك وش اطفال لو نواف متزوج كان عندك الحين ٣ احفاد وتقولين باقي اطفال ههههه ، تكلمت منيره وقالت : ولو تكبرون وتصير اعماركم ٥٠ بتضلون اطفالي ،، نواف كان يضحك وتكلم : رح نضل طول حياتنا اطفالك يا الغاليه ، ابتسمت منيره وكمل : دام الجميع موجود خلوني اقولكم الخبر حلو، اول شي حمدلله بعد عناء دام ٤ سنين قدرنا نرجع الملفات الي كانت ضايعه من الشركه ، سكت وكمل : واكتشفت من بين اوراق الملفات ان فيه ارض لابوي كبيره وكانت مخططه تصير مزرعه لنا، ولمن تحريت في الموضوع وبحثت لقيت انها فعلا موجوده المزرعه وباسم ابوي وكان بانيها ومجهزها وكان بيسويها لنا مفاجئه لكن ،،، سكت للحظه وقال:ما ربي كتب له عمر انه يعلمنا بنفسه. لمحت ملاك نبره الحزن في صوت نواف وحست بشعوره ، كيف لا وهي راحو منها اغلى اثنين على قلبها من الحياه ،، تكلمت ساره قاطعه الجو الحزين الي صار فجاه وقالت بحماس : الله دايم كنا نتمنى تصير عندنا مزرعه وكان ابوي يقول انه بيحاول يسويها ، عندك لها صور نقدر نشوفها ؟؟؟ ابتسم نواف وقال : ايوه تعالو اوريكم ،، تجمعو كلهم يشوفون صور للمزرعه وكانت اكثر من انه تتسمى مزرعه ، كانت عباره عن حقل كبيررر، وورود وحيوانات وكان فيه بيت متوسط الحجم يقدرون يسكنون فيه ، وفيها نافوره ومرجيحه كبيره وبركه كبيرره فيها بط ووز ،، ابتسمت لين بحماس وقالت : اللهه متى نروح لها خلنا نروح لها بالويك اند الله يخليك الله يخليكككك، ضحك نواف عليها وقال : ابشري اقرب اجازه نقدر ناخذها ونروح لها على طول وننام فيها بعد ، ضحكو كلهم على شكلها وهي تنط الا ملاك الي كانت جالسه تسمعه لكن عقلها شاغله التفكير بشي ثاني تذكرت المزرعه الصغيره الي كانت حقت عمها ابو رغد ، كانت عباره بيت للدجاج وبيت للخرفان وكوخ صغير وكان فيه بئر عشان يسقي فيها الاشجار والنباتات ويروي للحيوانات ، على انها صغيره الا انهم كانو دايم يجتمعون فيها وياكلون فيها الدجاج ويسقون الشجر ،
طلعها من سرحانها صوت تولين وهي تناديها : ملاك ،، ملاك؟؟ ، ملاك : هلا سمي ، تولين : لي ساعه اناديك فيك شي؟؟ مالك حس ؟ ،وبقلق : تعبانه ؟ ، ابتسمت ملاك وقالت : لا يا قلبي بس كنت اتذكر مزرعة عمي نفس مزرعتكم بس كانت اصغر بكثير ومافيها بركه تخيلت لو فيها بركه بتطلع حلوه ، ابتسمت تولين وقالت : ان شاء الله اذا رحنا تشوفينها وتنبسطين،، سكتت شوي واستوعبت الي قالته : قصدي ءءء انو هذا .. ضحكت ملاك وقالت: فهمت قصدك ما عليك ههه ، استحت تولين وحست بالذنب من غباءها .