(أنْتَ تُهْمِلْ وَغَيْرُكَ يَهْتَمْ ... وَالقَلْبُ يَا سَيدِي مَيالْ)

بارت ٥٦

في الليل كانو في المطبخ ويسوون خطوات الكيك بتعليمات ملاك: لا تكثرين او تقللين السكر خليه وسط عشان ما يكون طعمه مره حالي ، لين بتذكر : كيف يعني اكثر ولا اقلل؟ تنهدت ملاك منها : هاتي اسوي انا ، اخذت بيدها السكر وبدت ترش على الكريمه وتطلب من لين انها تخلط ، طلبت ملاك من لين تعطيها ملعقه تخليها تذوق الكريمه : امممم كذا مزبوط ، ساره قعطتي الفراوله زي ما قلت لك؟ ، ساره: ايوه وحطيتها في الصينيه زي ما تبين ، ابتسمت ملاك وقالت : بكذا ما يبقى الا خطوات قليله ، بعد ما خلصو من تنفيذ الكيكه وحطوها في الثلاجه شافو كيف شكل المطبخ فوق بعض كان في احد ولع فيه متفجرات،، ضحكت تولين وقالت : هذي وهي كيكه اجل لو نظبخ ذبيحه شكل يبي لنا ١٠ مطابخ ، ضحكو البنات على كلامها وبدو ينظفون المطبخ ، وبعد هواش وتذمر البنات من ان ملاك تساعدهم قالت بشبه صراخ : رح اساعدكم يعني رح اساعدكم تراني عمياء بس كنت اطبخ وانظف واغسل في بيتي لا تحسسوني اني ما اقدر اسوي شي،، خافو البنات من صراخها وحسو انهم زودوها في خوفهم عليها ، تنهدت ساره وقالت : خلاص تغسلين الاواني ولين تنشفها ، ابتسمت ملاك بانتصار وصارت تمشي متناسيه انها مو في بيتها او بيتهم وصقعت برجل بالطاوله ، كانو البنات بيبدون يشكون ويهاوشونها بس ضحكو على شكل ملاك وهي تهاوش الطاوله بهمس: طاوله غبيه الحين يخلوني ما اساعدهم ، راحت لين لها ومسكتها من يدها وقالت : يالله ورانا غسيل كثير، ضحكت ملاك وبدو يشتغلون ، ملاك تغسل الاواني ولين تنشفهم وترتبهم في اماكنهم، تولين ترجع الاغراض مكانها وساره تمسح الطاولات وتكنس الارضيه ، كانو مولعين لهم اغاني ويغنون وهم ينظفون وما حسو بامهم الي واقفه عند باب المطبخ وهي تناظرهم بكل حب ، شافها نواف ووقف جنبها وطاحت عينه على ملاك الي كانت تغني بصوتها الي اسر قلبها وتتمايل مع نغمات الاغنيه ، راح نواف وغرق بافكاره وتخيلها وهي في مطبخه وفي بيتها بعد ما رجع من يوم طويل من الدوام وهي منغمسه في تنظيف المطبخ وتدندن مع الحان الاغنيه، طلعه منه هواجيسه امه الي ضربته بكوعها على بطنه وقالت لهم وهي تناظره بنص عين: اقول قم قم تلفلف وجهز لنا المشب وانا بقول للبنات يجهزون اغراض الشوي والدجاج، ضحك نواف وقبل يطلع القى نظره اخيره على ملاك وهو مصمم انه رح يسوي المستحيل عشان يرجع لها نظرها ويتزوجها،،،،