انصدمو البنات اول ما شافو البيت كيف شكله مكسر وحالته حاله، حاولت ملاك تمشي وهي رافع يدها لقدام عشان تتحس الي حولها مسكتها لين من يدها وودتها لعند باب البيت ، ملاك صارت تتحس الباب وكانها قاعده تدور على شي استغربو منها ومن حركاتها بس ما كلموها وخلوها على راحتها ، فجاه قالت: تشوفون حجره قريبه من الباب؟ استغربو منها وقالت لين : أي وش تبين فيها؟ ملاك: فيه تحتها مفتاح عطيني إياه، راحت لين وقلبت الصخره وبالفعل حصلت مفتاح واعطته ملاك ، فتحت الباب واخذت نفس عميق ودخلت ودخلو وراها، كانت تمشي خطوات بسيطه بعدها وقفت تحس بشعور غريب تحس بشعور مؤلم كانت دايم لمن تدخل البيت كانت تحس براحه بامان بدفء بانتماء ، بس الحين تحس بوحدة بخوف ببرد تحس شي جواها فاضي تحس بحزن ، تنهدت صوت مسموع وقالت وهي ناسيه انهم موجودين معها: ليش رحتو وخليتوني راضين بحالي الحين؟ راضين ارجع البيت وانتم مو موجودين ؟ ع الأقل يوم رحتو كان خذتوني معكم مو تخلوني لحالي ، وبدت دموعها تنزل على خدها و كانت تحس بضيقه مو طبيعيه ما كان ودها ترجع للبيت وهو فاضي تعرف انه ما في احد بيستناها تعرف انو ما عاد في اشخاص بيهتمون لها ما عاد في اشخاص بيزعلون لزعلها وبيفرحون لفرحها وبيتعبون لتعبها ، حست بأحد يمسكها من كتفها وعرفت صاحب اليد حتى قبل لا يتكلم، تكلمت قبل لا يتكلم وقالت: باروح اجيب الأغراض وارجع وراحت بسرعه ، شافوها وهي تطلع الدرج وكانو مبسوطين على فرحتها فجاه كلهم ناظرو بعض وقال نواف: انتو شفتو الي شفته؟ هزو روسهم بالموافقه وقعدو ياظرون بعض باستغراب قال نواف:.........
ايش الشي الي تبيه ملاك من البيت؟
كيف رح تبرر ملاك موقفها للباقين؟؟
لا تنسون التصويت ❤️
أنت تقرأ
(أنْتَ تُهْمِلْ وَغَيْرُكَ يَهْتَمْ ... وَالقَلْبُ يَا سَيدِي مَيالْ)
Roman d'amourروايه تحكي عن بنت عمياء يصير عليها حادث وينقذها البطل وتبدا من هنا قصتهم 🤍
