(أنْتَ تُهْمِلْ وَغَيْرُكَ يَهْتَمْ ... وَالقَلْبُ يَا سَيدِي مَيالْ)

بارت ٧٠

في الجامعه ،،،
كانو البنات جالسين بعد ما خلصت محاضراتهم وكان وقت بريك يجمعهم ثلاثتهم و كان الصمت هو سيد المكان، تكلمت لين وهي تتأفف : افف متى يخلص اليوم متى نرجع البيت تعبت تعبت، ناظرت ساره وقالت : وش صار على ملاك قالك نواف شي ؟؟؟ كانت ساره تقلب في جوالها تنتظر اي رساله من نواف تطمنهم : للاسف لا بس نتأمل خير ان شاء الله،، ساره ولين كانو قلقانين وخايفين على ملاك فتكلمت تولين قاطعه شرودهم وتفكيرهم : اتخيل ملاك بعد ما تسوي العمليه وتصير تشوف احسها رح تصير زي الاطفال كل شي يشدها ، ابتسمت لين وقالت : رح اوديها لكل مكان ملاهي كوفي حديقه مزرعه واخليها تشوف كل حاجه وبعدين اصور معها هذاك الترند ' شوف بيت شوف سماء شوف شارع' ،ضحكو البنات على تفكير اختهم وابتسمت تولين كيف انها قدرت تغير من جوهم وقعدو يسولفون عن اشياء كثيره الى ان بدت محاضراتهم فودعو بعض وكل وحده اتجهت لقاعتها ( طبعا تذكير ان البنات تخصصاتهم غير بعض حتى التوأم كل وحده تخصص) ،،
في المستشفى،،،
بعد ما خلصت الاشعه الي اخذت ساعه لان ملاك كانت تتوتر وكانت تتحرك كثير وبعد عناء قدرو ياخذو الاشعه الصحيحه ،، كانت ترجع تلبس ملابسها بمساعده الممرضه الي كانت تشوف خجل ملاك من اول ما دخلت فكانت تضحك وتحاول تغير جو ملاك لانها كانت متوتره : وبكذا خلصنا يا استاذه ملاك تصدقين طول حياتي المهنيه وانا ممرضه ما قد عدت الاشعه هذي لمريض اكثر من مرتين انتي تستاهلين جائزه على عدد محاولاتك هههه، ضحكت ملاك وقالت : اعتذر تعبتك معي،، ابتسمت الممرضه وهي تقول بينها وبين نفسها : سبحان الله صدق ربي ياخذ ويعطي آيه في الجمال تبارك الرحمن،، مسكت يدها وقادتها لخارج الغرفه متجهين لغرفه الدكتور لان اكيد نتايج الاشعه طلعت،،

جلست على كرسيها وابعدت الممرضه متجهه لخلف الدكتور تشوف صوره الاشعه معه ،، اول ما وصلت شهقت لا ارادي وغطت فمها،،
امتلت عيون الممرضه بالدموع وهي مو مصدقه الي تشوفه،،،