(أنْتَ تُهْمِلْ وَغَيْرُكَ يَهْتَمْ ... وَالقَلْبُ يَا سَيدِي مَيالْ)

البارت ٨

بارت ٨
نزلت الجدة تشوف وش تسوي فطور بذا الوقت كانت ملاك نازله بعد ما غيرت واخذت شور سريع خلت شعرها ع طبيعته بحكم انه ناعم ولبست جلابيتها ونزلت عشان تساعد الجدة دخلت المطبخ وهي تسمع الجدة تقول : يا ربي وين الكاسات ؟ ضحكت ملاك بخفه وهي تتوجه لدرج الكاسات وتطلعها : هذولي هم يا يمه ، ابتسمت الجدة بحب لحفيدتها وهي تشوفها تساعدها عشان يجهزون الفطور وما هي الا دقايق الا وهم مخلصين شالت ملاك الصحون والجدة جلست ع طاوله الطعام وهي تشوف ملاك تحط الصحون باماكنها الصحيحه وبشكل جميل ابتسمت الجدة وهي تقول : ي بنتي شلون تعرفين تحطين كل شي بمكان صح وبترتيب ، ابتسمت لجدتها وهي تقول : ابوي ساعدني احط خطوط وعلامات ع الطاوله عشان تساعدني اعرف ايش احط ووين احط ، ابتسمت الجدة بتعجب من حفيدتها دقايق ونزل لهم خالد وهوكان لابس لبس شغله (الي م يعرف خالد يشتغل في محل حداده) انبهر من الطاوله الي فيها الاكل الي يحبه جلس بعد ما قبل راس امه وهو يقول: اخخخ ميت جوع، ضحكت ملاك والجدة وقال الجدة بعصبيه : سم سم بالله وكل يالله، ضحك خالد وجلسو ياكلون ، فجاه تكلم خالد وهم ياكلون : يا يمه وش لك بالضرب تدرين رجلي للحين تعورني ضحكت ملاك وقالت : قول الحمد لله جات برجلك غيرك جات براسه وقعدت تضحك. ضحك خالد بقوه وناظر امه : يا يمه حرام عليك عورتي البنت هههههههههه ناظرتهم بطرف عينها وهي تقول : احسن جزاتها صحيتها و انا قاعده اكلمها رجعت نامت . ضحكو كلهم ع الجدة وهم جد مبسوطين ، بعد الفطور قام خالد وراح متجه لشغله وملاك قامت تشيل الصحون عشان تنظفهم وبعدها تبدا بروتينها اليومي من تنظيف الغرف وغير ذلك ، بعد ساعتين خلصت ملاك من التنظيف وراحت جلست ع الكنبه وهي تتنهد بتعب ناظرتها الجدة وقالت : ي يمه قلت لك خليني اساعدك بس انتي حلفتيني ما المس شي ضحكت ملاك بخفه : لا لا ما يحتاج يا يمه لو انتي ساعدتني اجل شلون اعرف اعتمد ع نفسي ما عليك ي يمه انا أصلا احب اشغل وقتي ، ابتسمت الجدة بانكسار ع حال حفيدتها وقالت بصوت هادئ: صح ترا الحريم وبنات الحاره بيجتمعون عند الخيمه اليوم تبين نروح لهم؟ نطت ملاك بفرحة وهي تهز راسها بفرحه وتقول : ايه ايه خلينا نروح ، ابتسمت الجدة ع فرحتها وقالت : خلاص ابشري ابتسمت ملاك وراحت عند جدتها حبت راسها ويدينها وقالت : الله يخليك لنا يا يمه ، انسدحت ملاك على فخذ جدتها وهي تمسح على راسها بهدوء،،،