(أنْتَ تُهْمِلْ وَغَيْرُكَ يَهْتَمْ ... وَالقَلْبُ يَا سَيدِي مَيالْ)

بارت ٥٣

بعد مشوار دام ٣ ساعات بالسياره وصلو نواف واهله للمزرعه حقتهم،، نزلت لين من السياره اول ما وقفت وصارت تصارخ بحماس : واااااااااه اخيررررا وصلناااااا،، نواف كان يمشي جنبها وضرب راسها بيد وقال : الي يشوفك يقول شايلتنا على ظهرك ، روحي بس شيلي معنا الاغراض يالله ، لين بتذمر،: اننننن هادم اللذات ، وصارت تشيل معهم الاغراض وهي تتذمر، ضحكت ملاك على لين وتذمرها وقالت: وهو الصادق مسكين له ٣ ساعات وهو يسوق وانتي كل شوي تسالين اذا وصلنا او لا زين ما وقف بنص الطريق ورماك من السياره وخلاك تكملين طريقك مشي ههههه، ضحكت تولين وقالت : والله صادقه ومو مستحيل يسويها ، ناظرتهم لين بنص عين وقالت: اقول انتي وهي خلونا نخلص لا اغرقكم وسط البركه ، بعد مده من تحميل الاغراض واعتراض الكل من ان ملاك تشيل شي او تساعدهم حطو فرشتهم وزينو قعدتهم وصارو يسولفون ويضحكون، كانت لين تقول لهم سالفه تضحك وما انتبهو للبطه الي كانت عينها على قطعه الكيك الي بيد لين : ههههه والله لو تشوفون شكلها يوم طاحت الدكتوره في القاعه قدام اكثر من ١٠٠ بنت الصدق اني ما قدرت امسك ضحكتي وضحكت بصوت عالي هههههههه، فجاه كملت بغضب : بس طلعتني تخيلو من القاعه ، طيب ما سويت شي ما طيحتك انا تطلعيني ليههههه!!!، ساره وهي تضحك: هل كان في احد غيرك يضحك؟ لين وهي تحك راسها بفشله: ههههه لا بس انا، تنهدو كلهم على غباءها وتكلمت تولين: والله يا اختي مدري كيف صرنا توأم وانتي بهذا الغباء ، اعطتها لين نظره وكانت بتاكل من الكيك الا فجاه تطير البطه في حضنها ، لين بصراخ : يميمههههه وخروووووهااا عننييييي، صارت تتخبط بمكانها وطيحت القهوه وصحن الحلا بكل مكان، نطت البطه وعضت الكيكه الي بيد لين وهربت، لين بالم: اخخخخخخ عضت يدي لو عارفه تبي كيكتي اعطيتها الصحن كله اححح،، ضحكت ملاك وهي تتخيل شكل لين وتذمرو البنات على الفوضى الي صارت وصارو ينظفون ، طبعا نواف كان مسرّح في شكل ملاك وكان كل ما سمع صوتها او ضحكتها كان يحس بفراشات في بطنه،، طبعا كل شي صار كان قدام انظار ام نواف الي كانت ابتسامتها شاقه وجهها،،،،