(أنْتَ تُهْمِلْ وَغَيْرُكَ يَهْتَمْ ... وَالقَلْبُ يَا سَيدِي مَيالْ)

بارت ٣٤

قراءه ممتعه فراشاتي🦋
ولا تنسون كومنت وتصويت🤍

جاء الليل ورجع نواف من دوامه وكانت عروقه باينه من العصبيه ، شاف البنات جالسين في الصاله وصد منهم طلع لغرفته ما كان يبي يتكلم مع احد لانه رح تنفلت اعصابه ويطلع حرته بالي قدامه ،، جلس شوي الا يسمع صوت طرق على الباب ،، قام يشوف مين وهو يتوعد لا يكسر الباب على الي يطرقه فتح الباب بقوه وهدت اعصابه يوم شاف ان امه الي تدق الباب ، تعوذ من ابليس وتكلم بصوت حاول انه يوزن نبرته فيه: هلا يمه بغيتي شي ؟ ناظرته منيره وقالت : وينك ما شفتك يوم جيت ولا سلمت علينا ، عسى ما شر صاير شي؟؟ تنهد نواف بتعب وقال : لا يا قلبي وروحي ضغط الدوام وكذا تعرفين ،،، سكتت منيره وما كانت تبي تضغظ عليها زياده وهي تعرف الحمل الي على ظهره من بعد ما توفى زوجها مسك كل اشغاله ومشاريعه لانه يعرف ما يقدر يعتمد على عمانه او عيال عمه في شغل ابوه وحلاله ، قالت: غير ملابسك وانزل بسوي لك شاهي يحبه قلبك ، ضحك وهو يعرف ان امه تبي تغير شوي من نفسيته ولعلها نجحت : ابشري وقولي للبنات لا احد ينام عندي لكم اخبار حلوه . ابتسمت منيره وقالت : حاااضر من عيوني . قرب من امه وباسها على راسها وقال: الله لا يحرمني منك، منيره : ولا منك يا يا يمه ،،، نزلت منيره تصلح الشاهي وقالت للبنات ان نواف عنده خبر حلو يبي يقوله لهم ،، لين بفضول : اللهههه وش وش الخبر ، مينره : الله اعلم ما قالي شي ، لين بحماس : اكيد شي مره حلوووو مستحيل اصبر بطلع اساله ، مسكتها تولين من يدها وقالت : يختي تحلي بالصبر قالك بغير وبينزل ، لين : مقدر مقدر لازم اعرف الاااان ، سمعو صوت نواف وهو يضحك على فضول اخته الي مستحيل يتغير : جيت جيت يا فضوليه اهجدي ، ضحكت لين وراحت مسكت يده وجلسته على الكنبه : يالله يالله قول وش الخبر ،اكيد مفاجئه حلوه عشاني صح؟؟؟ ، هزت ساره راسها بتذمر من اختها : يا محور الكون انتي اهجدي عشان نسمع وش الخبر ، ما اعطتها وجهه وكانت تناظر اخوها بعيون مليانه حماس وفضول،،،