(أنْتَ تُهْمِلْ وَغَيْرُكَ يَهْتَمْ ... وَالقَلْبُ يَا سَيدِي مَيالْ)

بارت ٥٥

بعد ما علمت نواف بكلام لين الي صار بينها وبين ملاك وقصتها وكيف صارت عمياء وانه يمكن فيه حل يرجع لها بصرها ، ابتسم نواف وقال : متاكدين من اسم الدكتور؟؟؟؟؟ ، منيره: ايوه يا يمه وشفنا متى اقرب موعد له وحصلنا واحد بعد اسبوعين لكن،، سكتت وبتردد: لسا ما علمناها لان خايفين ترفض فكره انو تسويها العمليه اذا فيه،، سكت نواف وقال : ما عليك تتسهل ان شاء الله ،،

كانو البنات يتمشون وتولين تصور اي شي قدامها وتصور البنات واشكالهم ومره تصور صوره لهم كلهم، لين بابتسامه وحماس: يااااه شوفو الشجر والفواكه الي فيها شكلها تشهيي، وقطفت لها فراوله واكلتها وكان طعمها لذيذ واخذت وحده ثانيه واعطتها لملاك : ملاك جربي الفراوله طعمها خياااال، ابتسمت ملاك واخذتها وكان فعلا طعمها مرره لذيذ وقالت : وش رايكم نقطف منها ونسوي منه مربى وتشيز كيك ؟؟ ابتسمو البنات على فكرتها وراحت لين ركض تجيب السلال الفواكه كانت مجهزتها وبدو يقطفون من كل الاشجار انواع واشكال ، بعد مده تكلمت تولين بتساؤل : تتوقعون مين الي يهتم فيها ويسقيها؟؟ ، ساره: سالت نواف قبل نوصل وقال انو ابوي كان مستاجر عامل وموفر له سكن وكل شي بشرط يهتم للمزرعه،، تولين بقلق: طيب وينه اخاف يكون موجود واحنا نتمشى هنا ، ساره : لا تخافين كلمه نواف وقاله انو بنكون هنا وما رح يجي الا اذا اعطى خبر لنواف قبلها،،،
بعد ما امتلت سلاتهم رجعو لامهم ونواف يورونهم حصادهم الي جمعوه، لين بفخر : وش راااايكم جمعت اكثر شي ، تولين بضحك: بعد ايش بعد ما اخذتي استراحه كل ٥ ثواني تقولين انك تعتبتي ههههه، ابتسمت منيره وقالت: ما شاء الله تبارك الرحمن شكلها مره تشهي، بس ليه قطفتوها كثير؟؟؟ تكلمت ساره وقالت : اقترحت ملاك انو نسوي منها مربى ونسوي لنا تشيز كيك،، ابتسمت منيره : متحمسه اشوف شغلكم واكيد دام ملاك الي اقترحت الفكره شكلها تعرف وبتذوقنا احلى تشيز كيك،، ابتسمت ملاك باحراج من كلام منيره وخاصه قدام نواف لكن زاد احراجها وتوترها من سمعته يقول : يمكن ما تعرفين لكني من عشاق التشيز كيك فاتمنى تسوينها باسرع وقت ابي اذوقها،، التمست من صوته الابتسامه والتحدي وابتسمت وهي مصممه تسوي الذ تشيز كيك مر في حياتهم ،،،،