(أنْتَ تُهْمِلْ وَغَيْرُكَ يَهْتَمْ ... وَالقَلْبُ يَا سَيدِي مَيالْ)

بارت ٦٣

بعد مرور يومين....
كانو قاعدين بجهزون اغراضهم وشنطهم ، لين بتذمر : يا الله ما ابي ارجع ما ابي ارجع ليه ما نعيش هنا احسن يعني شوفو شجر وخضار كيف يطاوعكم قلبكم نروح ونخليها؟؟؟ ساره وهي مصدعه من تذمر لين : انتي بتسكتين ولا اسكتك؟ ما تفهمين ورانا دوامات ونواف اشغاله وانتي ناسيه ولا لا ترا الاسبوع هذا الميدات وتسليم مشاريع اذا ناسيه؟؟؟ ، ضربت لين راسها وقالت : يوووووووه تكفين والله توني اتذكر يا ربي وش بسوي ما خلصت ولا مشروع ولا ذاكرت ولا ماده يا ربيييي ،، ملاك وهي تضحك : ما عليك انتي قدها وبتقدرين تنجزين واذا على المشاريع اذا فيه شي اقدر اساعدك فيه فانا بالخدمه ، مسكت لين يدين ملاك وناظرتها بكل حب وقالت : يا شيخه اقسم بالله لو اني ولد تزوجتك ، فجاه حست بشخص يضرب راسها من ورا التفت حصلت نواف مر من جنبها ومشى وقال بصوت منزعج : اقول بدال الحكي الي ما منه فايده يالله انتي وهي على السياره قدامي ،، ناظرته لين بنص عين ومسكت يد ملاك وسحبتهم متجهين للسياره ، قعد نواف سرحان وهو يحس بغيره من لين وكيف انها ماسكه يد ملاك وتسحبها كذا ، طلعه من سرحانه صوت امه وهي تقول بضحك : يالله يا ولد لا تغيب الشمس واحنا لسا ما مشينا ، تحلطم نواف هو الثاني وكان وده لو طالت المده الي هم فيها بالمزرعه لان خلاه يكتشف عن ملاك اشياء كثيره زي كيف انها تقدر تعرف تفرق بين انواع الورود بحاسه الشم وان الورده المفضله عندها هي ورده الاوركيد ، واما الفاكهه المفضله لها هي الكرز واحب الاوقات لها هي من بعد الفجر الى طلوع الشمس،،

بعد ما جهزو الاغراض ودخلو السياره انطلقت السياره ، طريقهم كان كله سوالف وضحك وطبعا ما يخلو من تذمر لين على الاسبوع ذا الي مليان اختبارات واشغال،،،،